skol
Kigali
startimes

Barcelona yemeje Ronald Koeman nk’umutoza wayo mushya

Imyidagaduro   Yanditswe na: Dusingizimana Remy 19 August 2020 Yasuwe: 1086

Ikipe ya FC Barcelona yamaze gutangaza ko Umuholandi Ronald Koeman wabaye umukinnyi wayo ukomeye ariwe wabaye umutoza wayo mukuru usimbura Quique Setien uherutse kubafasha gutsindwa ibitego 8-2.


Uyu mugabo w’imyaka 57 watozaga igihugu cy’ubuholandi,Ronald Koeman,yamaze guhabwa amasezerano y’imyaka 2.

Ronald Koeman yakiniye FC Barcelona imyaka 6 ayihesha UEFA Champions League yayo ya mbere ndetse anatwara LA LIGA inshuro 4.Muri rusange yatwaye ibikombe 10.

Ronald Koeman yageze ku kibuga cy’indege cya Josep Tarradellas Barcelona-El Prat Airport ku munsi w’ejo nyuma ya saa sita,aganira n’abayobozi ba FC Barcelona amasaha make birangira yemeye aka kazi.

Kuwa Mbere nibwo FC Barcelona yatangaje ko yirukanye Quique Setien yari imaranye amezi 8 ariko ntabashe kuyifasha gutwara igikombe na kimwe.

Uyu munsi ku mugoroba nibwo Ronald Koeman arerekwa abanyamakuru hanyuma atangaze imigabo n’imigambi azanye muri iyi kipe imeze nabi.

Ntabwo hataratangazwa abazungiriza Koeman muri FC Barcelona,amakuru aravuga ko uwahoze ari umukinnyi ukomeye w’iyi kipe Henrik Larssson azaba ari mu bungiriza.

Kuri uyu wa Kabiri nibwo FC Barcelona yirukanye Eric Abidal azira kwitwara nabi mu migurire y’abakinnyi ba FC Barcelona mu myaka ishize.

Byavugwaga ko perezida wa FC Barcelona,Josep Bartomeu,yifuzaga Mauricio Pochettino ariko benshi mu bakunzi b’iyi kipe basabye ko umunyabigwi wabo yahabwa akazi cyane ko anafite inzu i Barcelona.

Uhabwa amahirwe yo kuba perezida wa FC Barcelona,Victor Font,yavuze ko natorwa azahita yirukana Koeman akagarura Xavi ngo niyo yakwitwara neza muri uyu mwaka w’imikino.

Yagize ati "Nubwo Koeman yagira umwaka mwiza,ntabwo nzahindura gahunda yanjye.Nimba perezida,Koeman ntabwo azaba umutoza wa FC Barcelona mu mwaka wa 2021-2022."


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 877 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1885 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4432 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1205 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2292 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 5137 0