skol
fortebet

Barcelona yishimye hejuru Juventus na Cristiano Ronaldo nyuma yo kubatsinda

Yanditswe: Thursday 29, Oct 2020

Sponsored Ad

Ikipe ya FC Barcelona yaraye itsinze Juventus ibitego 2-0 mu mukino wa kabiri wa UEFA Champions League bituma iyishongoraho ibabaza niba babonye umwami mu kibuga Lionel Messi.

Sponsored Ad

Lionel Messi yaraye atsinze igitego cya kabiri kuri penaliti bituma FC Barcelona ibaza Juventus kuri Twitter niba yabonye umukinnyi w’ibihe byose mu kibuga.

Mu butumwa yanyujije kuri Twitter yayo,FC Barcelona yagize iti “Twishimiye ko mwabashije kubona umukinnyi w’ibihe byose ku kibuga cyanyu,Juventus.”

Mu ijoro ryo kuri uyu wa Gatatu,FC Barcelona yari yasuye Juventus ku kibuga cyayo iyitsinda ibitego 2-0 byatsinzwe na Ousmane Dembele wateye ishoti rigakora kuri myugariro wa Juventus rijya mu izamu rya Wojciech Szczesny utamenye uko byagenze.

Ku munota wa 91 nibwo Messi yinjije igitego cya kabiri kuri penaliti nyuma y’aho Juventus yari imaze ikanya ihawe ikarita itukura yahawe myugariro Merih Demiral.

Byari byitezwe ko guhura kwa Juventus na FC Barcelona bizatuma Cristiano Ronaldo na Lionel Messi bongera guhurira mu kibuga ariko Covid-19 yabyivanzemo ituma Ronaldo ataboneka.

Ronaldo yanduye Covid-19 ubwo yari mu ikipe y’igihuguya Portugal kuwa 13 Ukwakira 2020 ariko yarinze agera muri iki cyumweru atarakira.

Mu butumwa yanyujije kuri Instagram ejo,Ronaldo yagize ati “Meze neza kandi mfite ubuzima bwiza” gusa yanenze ibipimo bya Polymerase Chain Reaction (PCR) byakomeje kumubwira ko akirwaye Covid-19.

Juventus yananiwe kwinjiza igitego na kimwe gusa rutahizamu Alvaro Morata yatsinze ibitego 3 byose byanzwe na VAR.

Ibitekerezo

  • barcelona tuzahora dutsinda erega nimushake mwemere kbsaa BARCELONA ALWAYS GREAT

    BARCELONA IS GREAT
    THAT ARE THE START

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa