skol
Kigali
startimes

Bayern Munich yasanze PSG ku mukino wa nyuma wa UEFA Champions League

Imyidagaduro   Yanditswe na: Dusingizimana Remy 20 August 2020 Yasuwe: 1192

Ikipe ya Bayern Munich yamaze guharura inzira ishobora kuyifasha kwegukana igikombe cya 6 cya UEFA Champions League nyuma yo gusezerera muri ½ ikipe ya Lyon iyitsinze ibitego 3-0 mu mukino wabaye mu ijoro ryo kuri uyu wa Gatatu.


Ku nshuro ya 11 mu mateka yayo,Bayern Munich yageze ku mukino wa nyuma mu mikino ya UEFA aho yanyagiye Lyon ibitego 3-0.

Ikipe ya Lyon niyo yatangiye neza umukino kuko ku munota wa 03 gusa,Memphis Depay yahawe umupira ari wenyine asiga ba myugariro ba Bayern Munich asigarana n’umunyezamu Neuer aramucenga nawe ateye umupira ujya hanze.

Bayern Munich yaje muri uyu mukino ifite ibyishimo byo gusezerera Barcelona ku bitego 8-2 ariko ntiyorohewe na Lyon yabanje kuyitera ubwoba kubera amahirwe yagiye ibona.

Ku munota wa 11 w’umukino,Bayern yabonye amahirwe yo gufungura amazamu ubwo Leon Goretzka yahabwaga umupira arebana n’izamu ntiyawutera neza,umunyezamu Lopes awushyira muri koroneri.

Ku munota wa 17 w’umukino,Karl Toko Ekambi yinjiye mu rubuga rw’amahina,acenga myugariro wa Bayern Munich asigarana n’umunyezamu,ateye mu izamu umupira ugarurwa n’igiti cy’izamu.

Ku munota wa 18 w’umukino,nibwo Bayern Munich yafunguye amazamu ku gitego cyatsinzwe na Serge Gnabry wacenze abakinnyi b’inyuma ba Lyon atera ishoti rikomeye umunyezamu Lopes ntiyabasha kurikuramo.

Lyon yaje gucika intege ubwo yinjizwaga igitego cya kabiri ku munota wa 33 cyatsinzwe nanone na Gnabry ku mupira wazamukanwe na Ivan Perisic,awuhereza neza Lewandowski ashatse kuwushyira mu izamu arawuhusha,uyu mudage w’umuhanga awusongamo.

Gnabry yatsinze ibitego 9 mu mikino 9 ya UEFA Champions League yakinnye muri uyu mwaka w’imikino.

Ikipe ya Lyon ntiyabashije kubyaza umusaruro amahirwe yabonye kuko Ekambi mu gice cya kabiri yabonye amahirwe yo gutsinda igitego asigaranye na Neuer ntibyamuhira.

Igitego cy’agashinguracumu cya Bayern Munich cyatsinzwe na Lewandowski ku munota wa 88 ku mupira wari uvuye kuri Free kick yatewe neza na Joshua Kimmich.Iki gitego cyabaye icya 15 atsinze mu irushanwa ry’uyu mwaka.

Lewandowski yabaye umukinnyi wa 2 ubashije kugeza ku bitego 15 muri Champions League nyuma ya Cristiano Ronaldo wabikoze 3.

Uyu rutahizamu yakoze akandi gahigo ko gutsinda igitego mu mikino 9 yikurikiranya ya UEFA Champions League,aho yageze ikirenge mu cya Ruud Van Nistelrooy muri2003 watsinze mu mikino 9 na Cristiano Ronaldo muri 2018 yabikoze mu mikino 11 yikurikiranya.

Umwaka wa 2019-2020 n’uwa kane amakipe yo mu Budage no mu Bufaransa ahuriye ku mukino wa nyuma wa UEFA aho 3 ziheruka amakipe yo mu Budage yatwaye ibikombe byose.

FC Bayern Munichen izahura ku mukino wa nyuma wa Champions League na PSG yatsinze RB Leipzig ibitego 3-0.Uwo mukino uzaba ku Cyumweru.







Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 460 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1445 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1056 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3304 0

Umwana wa Diego Maradona yasabye Lionel Messi ikintu gitangaje...

Umwana wa Diego Maradona yasabye kizigenza Lionel Messi nawe ukomoka muri...
2 December 2020 Yasuwe: 5420 0

Rayon Sports yavuze ku bakinnyi bayo bivugwa ko barwaye Malaria

Ubuyobozi bwa Rayon Sports bwahakanye ko nta mukinnyi wayo urwaye Malaria...
2 December 2020 Yasuwe: 2248 0