skol
Kigali
startimes

Biravugwa:Hakizimana Muhadjiri yasinyiye ikipe ya Rayon Sports

Imyidagaduro   Yanditswe na: Dusingizimana Remy 21 July 2020 Yasuwe: 4668

Amakuru yakwirakwiye ku mbuga nkoranyambaga zitandukanye aravuga ko bidasubirwaho Muhadjili Hakizimana yamaze kuba umukinnyi wa Rayon Sports mu mwaka w’imikino wa 2020-2021.


Uyu musore wakinaga mu gihugu cya Leta zunze ubumwe z’Abarabu mu ikipe ya Emirates FC biravugwa ko nyuma y’igihe kinini aganira na Rayon Sports,kuri uyu wa Kabiri tariki ya 21 Nyakanga 2020 yamaze gushira umukono ku masezerano y’umwaka umwe mu ikipe ya Rayon Sports.

Mu kwezi gushize nibwo Rayon Sports yagiranye ibiganiro byimbitse na Hakizimana Muhadjiri ndetse yemererwa akayabo ka miliyoni 15 Frw n’umushahara wa miliyoni 1.2 Frw ku kwezi gusa uyu mukinnyi aza kwisubiraho nyuma.

Amakuru avuga ko icyo gihe Hakizimana Muhadjiri yagiye kuganira n’Umuyobozi wa Rayon Sports, Munyakazi Sadate, aho akorera ku Kimihurura ariko ngo bamara igihe kinini ibiganiro ntacyo bitanga.

Icyadindije ibyo biganiro nuko Hakizimana Muhadjiri yasabye ko mu masezerano yagirana n’iyi kipe hashyirwamo ingingo ivuga ko yakwemererwa kuva muri Rayon Sports igihe icyo aricyo cyose haba hari indi kipe imushatse.

Muri icyo gihe byavugwaga ko hari ikipe yo muri Maroc yari mu biganiro na Muhadjiria agatinza ibiganiro na Rayon Sports mu rwego rwo kwirinda ko yayisinyira bikica amahirwe ye.

Nanone kandi byavuzwe ko ikipe ya Yanga SC yo muri Tanzania na AS Kigali nazo ngo zifuje kugura Muhadjiri akabyanga.

Hakizimana Muhadjiri nta kipe yari afite nyuma yo gutandukana na Emirates Football Club yakiniraga muri Leta Zunze Ubumwe z’Abarabu kuva muri Nyakanga 2019.

Uyu mukinnyi w’imyaka 26, yavuye mu Rwanda mu mwaka ushize nyuma y’imyaka itatu akinira APR FC yari yaragezemo muri Nyakanga 2016 avuye muri AS Kigali, nayo yari yamuguze muri Mukura Victory Sports.

Hakizimana Muhadjiri uvukana na kapiteni w’Amavubi, Haruna Niyonzima, yatowe nk’umukinnyi mwiza w’umwaka w’imikino wa 2017/18 mu Rwanda.

Nyuma yo kuzamurwa n’umutoza Mungo Jitiada ‘Vigoureux’, Hakizimana Muhadjiri yakiniye Etincelles, ayivamo yerekeza muri Kiyovu Sports, nyuma ajya gukinira Mukura Victory Sports yamazemo imyaka ibiri mbere yo kugurwa na AS Kigali atakiniye igahita imutanga muri APR FC.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abatuye mu mujyi wa Kigali bemerewe gukora Siporo ariko batarenze umudugudu...

Mu ijoro ryakeye nibwo hatangajwe ibyemezo by’Inama y’abaminisitiri yateranye...
19 January 2021 Yasuwe: 3047 0

Lionel Messi ari mu mazi abira kubera ukuboko yakubise umukinnyi wa...

Kapiteni wa FC Barcelona akaba n’umunyabigwi wayo Lionel Messi ari mu mazi...
19 January 2021 Yasuwe: 4698 0

Uburanga bw’ikizungerezi cyatumye rutahizamu wa Real Madrid yanga kuguma mu...

Rutahizamu wa Real Madrid,Luka Jovic,yakoze amahano mu mwaka ushize ubwo...
19 January 2021 Yasuwe: 4979 0

Real Madrid yasinyishije umukinnyi wa mbere uzayikinira mu mwaka w’imikino...

Ikipe ya Real Madrid yatangiye gutegura umwaka w’imikino utaha nyuma yo...
19 January 2021 Yasuwe: 4206 0

Amavubi yanganyije na Uganda mu mukino yigaragajemo cyane

Ikipe y’igihugu “Amavubi” yaruhije bigaragara ikipe ya Uganda ariko ntiyabasha...
18 January 2021 Yasuwe: 4232 1

Aubameyang yahaye impano Lacazette yakoze benshi ku mutima

Kapiteni wa Arsenal,Pierre-Emerick Aubameyang yakoze benshi ku mutima...
18 January 2021 Yasuwe: 5678 0