skol
Kigali
startimes

Bizimana Yannick yahishuye uko umutoza Adil yamufashije gutsinda igitego cya mbere muri APR FC

Imyidagaduro   Yanditswe na: Dusingizimana Remy 15 November 2020 Yasuwe: 4214

Rutahizamu mushya wa APR FC,Bizimana Yannick yatangaje ko kuba yaratsinze igitego cya mbere muri iyi kipe yabifashijwemo n’umutoza we Adil Mohamed wamuhaye imbaraga ubwo yari afashe umupira.


Hari mu mukino wa karindwi wa gicuti APR FC yatsinzemo Sunrise ibitego 2-1 kuwa Kane tariki ya 12 Ugushyingo kuri Stade ya Kigali, ku munota wa 38 ku mupira mwiza yari acomekewe na Bukuru Christopher yatsinze igitego ke cya mbere mu ikipe y’ingabo z’igihugu.

Bizimana yabwiye urubuga rwa APR FC ko yafashe icyemezo cyo gukomezanya umupira ubwo yari hagati ya ba myugariro babiri ba Sunridr FC, kubera ijwi ry’umutoza we.

Yavuze ko agifata umupira yumvise ijwi ry’umutoza we Mohammed Adil rivugira hejuru rimubwira riti ”Komeza Yannick, komeza” afata icyemezo ubwo, nawe wiyemerera ko yabifashijwemo na Stade yari yambaye ubusa kuko byatumye ijwi ryirangira mu matwi ye.

Yagize ati: ”Ukuntu igitego cyatsinzwe, kubera ko ntabwo nigeze nsaba umupira ngenda nirukanka, naraje nsaba umupira bakinaho gato maze (Bukuru) ashyira imbere mbona kugenda, Bukuru yakinnye neza cyane ntabwo ari wo mupira wonyine yampaye ni uko wenda amahirwe atabashije kunsekera ko natsinda ibitego byinshi ariko uburyo bwo narabubonye.”

Bizimana yavuze ko gutsinda iki gitego cya mbere byamuhaye imbaraga n’icyizere cyo kuzatsinda ibindi mu mikino iri imbere irimo ukomeye bazakina na Gor Mahia muri CAF Champions League.

Ati ”Icyizere ndagifite kinshi cyane bishoboka, ikintu cyanejeje cyane ntabwo ari uko natsinze igitego ahubwo ni uko mbasha gukinana na bagenzi banjye tukabasha kubona andi mahirwe menshi kandi ngera n’imbere y’izamu kenshi.

Icyizere mfite ni uko ibitego bigihari, tuzagerageza uko dushoboye kose ibyanjye byose ngomba kubitanga kubera APR FC kuko ubung’ubu nta handi hantu umutima wanjye uri uri hano, imbaraga zanjye zose, ibitekerezo byanjye byose mbishyira ku kazi kureba ko APR FC yabashije kubona amanota atatu cyangwa abafana bayo babashije kurara mu byishimo.”

Bizimana Yannick yageze muri APR FC kuwa 19 Nyakanga 2020 avuye muri Rayon Sports yari amazemo umwaka umwe nyuma yo kumukura muri AS Muhanga.

APR FC irakina umukino wa munani wa gicuti na Etincelles kuri Cyumweru tariki ya 15 Ugushyingo kuri Stade ya Kigali guhera saa cyenda n’igice.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Manchester United yahagaritse umuvuduko wa City,Liverpool ikomeza kujya...

Ikipe ya Manchester United yatunguye benshi mu bakunzi ba ruhago ubwo...
7 March 2021 Yasuwe: 3615 0

Amavubi yamaze kwerekeza I Nyamata mu myiteguro yo gushaka itike ya CAN...

Nyuma y’aho umutoza Mashami Vincent ahamagaye abakinnyi 31 bagomba gufasha...
7 March 2021 Yasuwe: 3200 0

Lionel Messi yatoye Perezida wa FC Barcelona ku nshuro ye ya...

Benshi baracyibaza icyihishe inyuma yo kuba umunyabigwi akaba na kapiteni...
7 March 2021 Yasuwe: 4407 0

Igikombe cya CECAFA Rayon Sports yatwaye mu 1998 cyabonetse i...

Ni kenshi abafana ba Rayon Sports bakunda guhiga ubutwari aba APR FC ko...
7 March 2021 Yasuwe: 4782 0

Paris Saint-Germain yiyemeje gushora akayabo mu kugura umukinnyi wa...

Ikipe ya PSG yo mu gihugu cy’Ubufaransa yiyemeje kujya ku isoko muri iyi...
7 March 2021 Yasuwe: 4064 0

Mikel Arteta yavuze kuri Xhaka ukomeje gukora amakosa ashyira mu mazi abira...

Uyu mutoza yavuze ko abakinnyi be Granit Xhaka na Bernd Leno bakina mu...
7 March 2021 Yasuwe: 3706 0