skol
Kigali
startimes

Bizimana Yannick yatangaje ibintu 2 akundira ikipe ya APR FC

Imyidagaduro   Yanditswe na: Dusingizimana Remy 20 July 2020 Yasuwe: 2293

Rutahizamu mushya wa APR FC,Bizimana Yannick yavuze ko yishimiye kwerekeza muri iyi kipe y’ingabo z’igihugu kubera ko iharanira gutwara ibikombe buri mwaka ndetse yita ku bakinnyi bayo cyane.


Ibi yabitangaje ejo ku cyumweru Tariki 19 Nyakanga 2020,ubwo yari ku cyicaro cya APR FC ku Kimihururura mu karere ka Gasabo mu muhango iyi kipe yateguye wo kwerekana abakinnyi bashya yaguze barimo n’uyu rutahizamu.

Aganira n’urubuga rwa APR FC,Bizimana Yannick yagize ati "Ndagira ngo mbere na mbere nshimire ubuyobozi bwa Rayon Sports n’ubwa APR FC habayeho ibiganiro ku mpande zombi barumvikana ari nayo mpamvu guhera uyu munsi ndi umukinnyi wa APR FC kandi niyemeje gutanga imbaraga zanjye zose nkazayigeza ku ntego zayo.

Nejejwe cyane no kuba ndi umukinnyi wa APR FC ni ikipe nziza buri mukinnyi yakwifuza gukinamo, ni ikipe iharanira gutwara ibikombe kandi ikaba ari ikipe ifata neza abakinnyi bayo ari nabyo bituma buri mukinnyi wese yakwifuza kuba mu muryango wa APR FC.”

Uretse uyu Bizimana Yannick waturutse muri Rayon Sports, APR FC yerekanye abandi bakinnyi bashya barimo Nzansimfura Keddy ufasha abataha izamu wakiniraga Kiyovu Sports, Ndayishimiye Dieudonné ukina inyuma ku ruhande rw’iburyo ndetse na Ruboneka Jean Bosco ukina hagati afasha abashaka ibitego bombi baturutse muri AS Muhanga.

Ikipe ya APR FC ifite intego yo kwitwara neza umwaka utaha w’imikino, ikaba yarasinyishije aba basore mu rwego rwo kongera amaraso mashya mu ikipe yitegura guhagararira u Rwanda mu mikino nyafurika ihuza amakipe yatwaye ibikombe iwayo CAF Champions League nyuma yo gutwara igikombe cya shampiyona ya 2019-20 idatsinzwe, CECAFA Kagame Cup ya 2020 ndetse n’amarushanwa y’imbere mu gihugu ateganyijwe mu mwaka utaha wa shampiyona ya 2020-2021.

Tariki ya 22 Gicurasi 2020,nibwo byamenyekanye ko Bizimana Yannick yerekeje muri APR FC.Bivugwa ko yaguzwe Miliyoni 22 FRW yahawe Rayon Sports nawe akaba yarahawe andi angana na Frw 14M.

APR FC yasinyishije Bizimana Yannick amasezerano imyaka ibiri,itanze aka kayabo bifasha Rayon Sports guhemba abakinnyi bayo n’abakozi ikirarane cy’ukwezi kwa kabiri yari ibabereyemo ndetse yishyura Kapiteni Rugwiro Herve amafaranga yo kumugura yamusigayemo.

Bizimana Yannick n’undi mukinnyi wavuye muri Rayon Sports yakinnye shampiyona ya 2019/20 nyuma ya Irambona Eric na Kimenyi Yves (bombi baguzwe na Kiyovu Sports), Iradukunda Eric ‘Radu waguzwe na Police FC na Rutanga Eric wagiye Muri Young Africans, Michael Sarpong wirukanywe na Mugheni Kakule Fabrice watandukanye nayo.

Kuwa Kane taliki ya 20 Kamena 2019,nibwo Bizimana Yannick yasinyiye Rayon Sports yamutanzeho miliyoni 10 FRW zirimo 5 yahawe ndetse n’izindi 5 zahawe AS Muhanga na Gitiicyinyoni.

APR FC igize abakinnyi benshi babanza mu kibuga bavuye muri Rayon Sports barimo Imanishimwe Emmanuel Mangwende,Manzi Thierry na Mutsinzi Ange,Bukuru Christophe,Niyonzima Olivier Sefu na Yannick Bizimana.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza Ronald Koeman yasubije Messi wamushinje kujugunya nabi Luis...

Umutoza mushya wa FC Barcelona,Ronald Koeman yavuze ko nta ruhare na rumwe...
27 September 2020 Yasuwe: 2574 0

Man U yahawe penaliti umukino warangiye, Chelsea ibona inota rimwe ku...

Ku munsi wa 3 wa Shampiyona habaye ibitangaza bitari bisanzwe aho umusifuzi...
26 September 2020 Yasuwe: 2190 0

Mvukiyehe Juvenal yeretse abafana ba Kiyovu Sports Bisi nziza yaguriye...

Bisi Mvukiyehe Juvenal yaguriye ikipe ya Kiyovu Sports yagaragaye I...
26 September 2020 Yasuwe: 5498 0

Umutoza wa Rayon sports yasabye komite kumugurira abakinnyi 3...

Umutoza wa Rayon Sports,Guy Bukasa,yasabye komite y’agateganyo ya Rayon...
26 September 2020 Yasuwe: 3612 0

Jurgen Klopp yatangaje umwihariko Arteta yazanye muri Arsenal watumye...

Umutoza wa Liverpool,Jurgen Klopp yatangaje ko umutoza wa Arsenal,Mikel...
25 September 2020 Yasuwe: 2939 0

Ibaruwa ya RGB yahaye ibyishimo abashyigikiye ko Mvukiyehe Juvenal ayobora...

Urwego rw’igihugu rw’imiyoborere [RGB] rwagiriye inama Kiyovu Sports ko...
25 September 2020 Yasuwe: 3067 0