skol
Kigali
startimes

Bruno Fernandes yahishuye ikintu Cristiano Ronaldo akunze kumubaza kuri Manchester United

Imyidagaduro   Yanditswe na: Dusingizimana Remy 26 August 2020 Yasuwe: 5507

Umunya Portugal Bruno Fernandes ukinira Manchester United yatangaje ko kizigenza Cristiano Ronaldo bakinana mu ikipe y’igihugu ahora amubaza ku iterambere ry’iyi kipe yahoze akinira mu myaka 11 ishize.


Bruno Fernandes yavuze ko Ronaldo ahora amubaza uko United imeze iyo baganiriye ndetse ngo ahora ahangayikishijwe n’iterambere ryayo.

Fernandes nawe yageze ikirenge mu cya Ronaldo kuko yavuye muri Sporting CP yerekeza muri Manchester United mu kwezi kwa mbere uyu mwaka ndetse kugeza ubu ari kwitwara neza.

Nubwo Cristiano Ronaldo yavuye muri United mu mwaka wa 2009 aracyahangyikira kumenya uko iyi kipe ihagaze nkuko uyu mukinnyi uyikinira yabitangaje.

Ubwo yabazwaga niba yaraganiriye na Ronaldo mbere y’uko afata umwanzuro wo kwerekeza muri United aguzwe miliyoni 68 z’amapawundi, Fernandes yavuze ko bavuganye nyuma ndetse na nubu bakivugana.

Yagize ati “Twavuganye nyuma,ntabwo ari mbere.Navuze ko gukinira Manchester United zari inzozi zanjye.Nahoze nifuza gukinira iyi kipe sinari kwita k’uwari kuyivuga neza cyangwa nabi kuko byanga bikunda nari kuyizamo.

Byari inzozi zanjye gukina muri Premier League.Nagize amahitamo yo kuza muri Manchester United.N’ukuvuga ko zari nzozi 2 zikubiye hamwe.Byari byiza.

Nibyo,nyuma naje kuvugana na Ronaldo kandi yavuze neza iyi kipe.Mu minsi ishize nabwo twongeye kuvugana.

Igihe cyose tuvuganye ambaza uko Manchester United imeze ndetse niba buri kimwe kimeze neza.Buri wese arabizi ko yamaze igihe kinini muri United kandi akunda iyi kipe kuko yayitwariyemo Ballon d’Or ya mbere.N’ikipe yamwubakiye amateka.”

Ronaldo yakoze amateka muri United yagezemo muri 2003 avuye muri Sporting Lisbon.Yayitsindiye ibitego 118,anatanga imipira yavuyemo ibitego 69 mu mikino 292 yayikiniye.

Muri iyi kipe yatwayemo ibikombe 3 bya Premier League,Champions League,FIFA Club World Cup,FA Cup na League Cups ebyiri.

Muri United,Fernandes amaze gukina imikino 22 atsinda ibitego 12,atanga imipira 8 yavuyemo ibitego.Yayifashije kurangiza ku mwanya wa 03.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kyle Walker yarakajwe no kumenya ko umukunzi we yamuciye inyuma kandi we...

Umukinnyi wa Manchester City,Kyle Walker,ari mu gahinda kenshi ko kuba...
20 September 2020 Yasuwe: 2565 0

Tottenham yagaruye kizigenza yirereye Gareth Bale

Ikipe ya Tottenham yamaze gutangaza ko yagaruye umunya Wales,Gareth Bale...
19 September 2020 Yasuwe: 1798 0

Umunya Slovenia Tadej Pogacar yateye intambwe ikomeye yo kwegukana Tour de...

Nubwo atahabwaga amahirwe kubera imbaraga z’ikipe itari ku rwego rwo hejuru...
19 September 2020 Yasuwe: 761 0

Thiago Alcantara yahishuye abakinnyi batumye afata umwanzuro wo kwerekeza...

Umukinnyi Thiago Alcantara wamaze kwerekeza mu ikipe ya Liverpool yatangaje...
19 September 2020 Yasuwe: 1741 0

Kiyovu Sports yashyizeho ibisabwa ku muntu ushaka kuba Perezida wayo...

Komisiyo y’amatora muri Kiyovu Sports yatangaje ibisabwa kuri buri wese...
19 September 2020 Yasuwe: 1592 0

Mikel Arteta yatangaje ikintu cyamuteye ubwoba cyane akimara guhabwa akazi...

Umutoza wa Arsenal,Mikel Arteta yatangaje ko akimara guhabwa akazi ko...
19 September 2020 Yasuwe: 1600 0