startimes
Kigali
startimes

Bus ya Rayon Sports yongeye gufatirwa n’Akagera Motors kubera ideni rya miliyoni 36 FRW yananiwe kwishyura

Imyidagaduro   Yanditswe na: Dusingizimana Remy 20 May 2020 Yasuwe: 1565

Kompanyi yitwa Akagera Business Group yafatiriye Bus ya Rayon Sports nyuma yo kunanirwa kuyishyura amafaranga arenga Miliyoni 36 z’amafaranga y’u Rwanda.


Sponsored Ad


Amakuru dukesha Radio 10 avuga ko iyi kompanyi yandikiye kenshi Rayon Sports iyisaba kuyishyura izi miliyoni birangira yanze kwishyura nibwo yafashe umwanzuro wo gufatira iyi modoka yaguzwe miliyoni 100 FRW.

Nubwo nta makuru yagiye hanze niba Kompanyi y’Akagera yareze Rayon Sports,biravugwa ko yitabaje inkiko isaba kwishyurwa kugeza ubwo zitegeka ko iyi modoka iyisubiza.

Kuwa 5 Ugushyingo 2018 nibwo ikipe ya Rayon Sports yatangaje ko yaguze imodoka yo mu bwoko bwa Foton AUV yakozwe n’uruganda rwo mu Bushinwa rwitwa Beiqi Foton Motor Co Ltd yacuruzwaga na Akagera Motors.

Iyi ni imodoka ya kabiri Rayon Sports yari itunze mu myaka irenga 50 imaze ibayeho kuko yaherukaga iyo yahawe na Perezida Paul Kagame mu 2003, iza gusaza.

Icyo gihe uwari umuyobozi wa Rayon Sports, Paul Muvunyi, yabwiye itangazamakuru ko iyi modoka izishyurwa mu mezi 12, izishyurwa n’iyi kipe n’abafatanyabikorwa bayo.

Ati “Iyi modoka tuyiguze miliyoni 100 zizishyurwa mu byiciro kugera mu Ukuboza 2019. Harimo miliyoni 16 Frw zavuye muri Rayon Sports, miliyoni 34 Frw zigomba kuva muri Radiant Insurance umwe mu bafatanyabikorwa dusanzwe dukorana naho izindi miliyoni 50 Frw zo zizava mu bandi bafatanyabikorwa bacu nka Skol, Airtel, Bonanza Co Ltd n’abandi bo bazajya baduha miliyoni buri kwezi bagahabwa umwanya wo kwamamaza kuri iyi modoka.”

Iyi modoka yari isanzwe ikora gusa abayobozi ba Rayon Sports bizeye ko izabafasha mu ngendo z’ikipe kuko nta kibazo na kimwe ifite.

Kuwa 19 Nyakanga 2019 nibwo Munyakazi Sadate wari uherutse gutorerwa kuyobora Rayon Sports yavuze ko ikipe ifite umwenda wa miliyoni 600 Frw zirimo miliyoni 64 Frw yasigaye kuri iyi modoka y’ikipe.

Uyu muyobozi niwe wa mbere wemeje ko iyi modoka y’ikipe yafatiriwe.

Ati "Bus yacu ubu iri mu Akagera Business Group aho navuga ko yafatiriwe. Ubwo yapfaga bwa mbere hari fagitire ya miliyoni ebyiri Frw baduhaye, tubabwira ko tutayemera kuko twari tukigerageza imodoka mu gihe cy’umwaka. Akagera ntabwo kabyumva ariko tuzaganira nabo. Bafatiriye imodoka yacu mu buryo bunyuranyije n’amategeko."

Nyuma y’igihe iyi modoka itishyuye,Akagera Motors kaje kuyifatira hanyuma Munyakazi Sadate wari umaze iminsi mike atowe arwana inkundura barayirekura.

Rayon Sports yasubijwe Bus yayo yari imaze amezi 2 yarafatiriwe n’Akagera Motors kuwa 09 Kanama 2019 kubera umwenda iyi kipe itishyuriye igihe.

Mu kiganiro yagiranye n’abanyamakuru cyabaye kuwa 8 Kanama 2019 mu Nzove, umuyobozi wa Rayon Sports Munyakazi Sadate yemeje ko ikipe ya Rayon Sports yari imaze amezi ane itishyura uyu mwenda ikibereyemo Akagera Motors, yiyongera ku asaga Miliyoni ebyiri z’ikiguzi cy’imodoka (breakdown cover) yagiye ikurura iyi bus igihe yabaga yapfiriye nzira.
.’’
Uwo munsi,Munyakazi Sadate yatangarije abanyamakuru ko mbere y’uko iyi modoka irekurwa n’Akagera Motors,babanje kumvikana ko nta kindi kibazo kizongera kubamo mu bwishyu.

Ati " Twumvikanye n’Akagera , hari ibyo badusaye kwishyura, turabyishyura , badusubiza imodoka. Badusabye ko twishyura imirimo ya Reparation bayikozeho. Nasezeranya abafana ko itazongera gufatirwa kandi bizajyana n’isezerano tugirana n’abafana ba Rayon Sports. Komite yacu ishyize imbere gukora ibyo ishoboye , kandi ibyo idashoboye ikabwira abakunzi ba Rayon Sports ko itabishoboye. Icyo dushyize imbere ni ukujya tuvugisha ukuri, icyo dushoboye tukagikorera igihe nkuko twabisezeranyije abanyamuryango."

Ku ikubitiro, iyi Bus yahawe bwa mbere Rayon Sports ibanje kwishyura Miliyoni 50 Frw zirimo 34 Frw zavuye mu mufatanyabikorwa wayo, Radiant Insurance.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Kamayirese

    Bus ya Rayon Sports yongeye gufatirwa n’Akagera Motors kubera ideni rya miliyoni 36 FRW yananiwe kwishyura

    Hahahahaahahaahhahhahahahahahahahhahaahahahaahahahahahahahahahahahahahaahahahhahahaha murayibeshyeraaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa
    gusa Rayons ntacyizere ishobora gutanga mugihe umuyobozi avuga ibintu ukugira ngo bizaturuka mw’ijuru. gusa utugambo twa abayobozi bavuga.ahahaahahahahaahahaahahahaahahhaha mwasuye kuri coaster koko. wenda ho muzabasha kuyishyura

    2 months ago

Inzindi nkuru

Willian yasezeye muri Chelsea afungura amarembo amwerekeza muri...

Willian, umukinnyi ukina ku ruhande ukomoka muri Brazil, yemeje ko avuye...
9 August 2020 Yasuwe: 869 0

Karekezi Olivier wari utegerejwe cyane n’abakunzi ba Kiyovu Sports yageze mu...

Umutoza mushya wa Kiyovu Sports Olivier Karekezi yageze mu Rwanda kuri iki...
9 August 2020 Yasuwe: 993 0

Umutoza wa Bayern Munich yavuze uko biteguye kuzahangana na Lionel...

Bayern Munich izahura na Barcelona muri kimwe cya kane cya Champions League...
9 August 2020 Yasuwe: 1698 0

Andrea Pirlo yagizwe umutoza mushya wa Juventus asimbuye Sarri

Kizigenza mu mupira w’amaguru mu Butaliyani by’umwihariko muri Juventus na AC...
9 August 2020 Yasuwe: 1105 0

FC Barcelona yihimuye kuri Napoli mu gihe Bayern Munich yihanije Chelsea...

Kuri uyu wa Gatandatu tariki ya 08 Kanama 2020,hakomeje imikino ya 1/16 cya...
8 August 2020 Yasuwe: 1623 0

Mushiki wa Cristiano Ronaldo yanenze bikomeye abakinnyi ba Juventus...

Mushiki wa Cristiano Ronaldo witwa Elma Aveiro yanenze abakinnyi ba...
8 August 2020 Yasuwe: 2459 0