skol
fortebet

CAF CC: AS Kigali yananiwe kubyaza umusaruro amahirwe yo gukinira mu rugo

Yanditswe: Saturday 14, Sep 2019

Sponsored Ad

AS Kigali ntiyabashije kwizigamira impamba yo kuzajyana I Kampala mu mukino wo kwishyura wo mu ijonjora rya kabiri ryo kwerekeza mu matsinda ya CAF Confederations Cup kuko yanganyije na Proline yo muri Uganda igitego 1-1.

Sponsored Ad

AS Kigali yari yagaruye bamwe mu bakinnyi bayo b’abanyamahanga yabuze amahirwe yo gutsindira mu rugo Proline yo muri Uganda,banganya igitego 1-1.

Imbere y’abanyarwanda bari baje kureba uyu mukino,AS Kigali yari ifite ubusatirizi bwo ku rwego rwo hasi yishyuye ku kaburembe igitego yari yatsinzwe hakiri kare na Proline.

Proline yafunguye amazamu ku munota wa 47 ku gitego cyatsinzwe na Bright Anukani wateye ishoti rikomeye ari inyuma y’urubuga rw’amahina umunyezamu Bate Shamiru agerageza gukuramo umupira biba iby’ubusa.

Abanyamahanga batakiniye AS Kigali mu mikino yayo na KMC barimo Alongo Mba Rick na Makon Thierry bari babanje mu kibuga ariko ntacyo bigeze bafasha iyi kipe y’umujyi.

AS Kigali yagerageje gushaka uko yakwishyura iki gitego yatsinzwe na Proline igice cya kabiri kigitangira,ibigeraho ku munota wa 87 ubwo yahabwaga penaliti nyuma y’aho myugariro wa Proline akoreye umupira mu rubuga rw’amahina,iterwa na Ssentongo seif uzwi nka Ruhinda Faruk.

Mu ijonjora rya mbere,AS Kigali yanganyije na KMC 0-0 mu Rwanda ijya kuyitsindira muri Tanzania ibitego 2-2 ndetse nubu byitezwe ko ariko ishobora kubigenza.

AS Kigali yananiwe gutsindira Proline FC i Nyamirambo muri uyu mukino ubanza w’ijonjora rya kabiri rya CAF Confederation Cup,izerekeza I Kampala mu mukino wo kwishyura uzaba kuwa 28 Nzeri 2019, isabwa gutsinda cyangwa kunganya ibitego bibiri kuzamura.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa