skol
fortebet

CAF yashyize hanze ingengabihe ya CHAN 2021 izitabirwa n’Amavubi

Yanditswe: Tuesday 06, Oct 2020

featured-image

Sponsored Ad

Ikipe y’igihugu “Amavubi” yamaze kumenya ingengabihe yayo mu mikino ya CHAN 2021 izabera muri Cameroon mu kwezi kwa Mutarama,aho iri mu itsinda C hamwe na Maroc, Uganda na Togo.

Sponsored Ad

CAF yemeje ko CHAN 2021 izatangira ku wa 16 Mutarama 2021 muri Cameroun mu mijyi 3 aho Amavubi y’u Rwanda azakina umukino wa mbere w’itsinda C aherereyemo tariki ya 18 Mutarama 2021 na Uganda.

Amavubi n’ibi bihugu biri kumwe bazakinira mu mujyi wa Douala uretse umukino usoza itsinda w’u Rwanda na Togo uzakinirwa mu mujyi wa Limbe.

Tariki ya 18 Mutarama 2021 ni bwo u Rwanda ruzakina umukino wa mbere na Uganda saa 21:00’ za Kigali kuri Stade de la Reunification Douala.

Umukino wa kabiri w’amavubi uzaba tariki ya 21 Mutarama 2020 akina na Maroc saa 18:00’ na bwo kuri Stade de la Reunification Douala.

Umukino usoza itsinda, Amavubi azacakirana na Togo tariki ya 26 Mutarama 2021 saa 21:00’ z’i Kigali,kuri Stade de Limbe.

Iri rushanwa rigizwe n’amatsinda 4, hakazazamuka amakipe abiri muri buri tsinda.Mu itsinda C ririmo u Rwanda,muri ¼ ikipe ya mbere izahura n’iya kabiri mu itsinda D mu gihe iya mbere mu itsinda D izahura n’iya kabiri mu itsinda C.

Impuzamashyirahamwe y’umupira w’amaguru muri Afurika ‘CAF’ yasubitse irushanwa nyafurika ry’abakinnyi bakina imbere mu bihugu byabo ‘CHAN 2020’ kubera impungenge z’icyorezo cya Coronavirus cyahungabanyije isi.

Iki gikombe cya Afurika gihuza abakinnyi bakina imbere mu gihugu "CHAN", cyagombaga kubera muri Cameroun guhera Tariki 04/04/2020 ariko biza guhinduka gishyirwa muri 2021.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa