skol
Kigali
startimes

CAF yatangaje gahunda y’imikino yayo yasubitswe na Coronavirus

Imyidagaduro   Yanditswe na: Dusingizimana Remy 30 June 2020 Yasuwe: 718

Mu nama yahuje abanyamuryango b’Impuzamashyirahamwe y’umupira w’amaguru muri Afurika [CAF] kuri uyu wa Kabiri tariki ya 30 Kaamena 2020,yafatiwemo imyanzuro itandukanye yo gushyiraho gahunda y’imikino nyafurika.


CAF yamaze gutangaza ko igikombe cy’Africa cy’ibihugu kizakinwa mu ntangiriro za 2022 aho kuba mu mwaka utaha wa 2020 nkuko byari biteganyijwe.

Igikombe cy’Africa cy’ibihugu ku bakinnyi bakina imbere mu bihugu byabo [CHAN 2020] kizakinwa mu kwezi kwa mbere kwa 202 muri Cameroon nkuko ingengabihe yasohowe na CAF yabitangaje.

Imikino ya 1/2 ya CAF Champions League izabera muri Cameroon mu kwezi kwa hakinwa umukino umwe wo gukuranwamo.Amakipe asigayemo ni Raja Casablanca, Wydad Casablanca, Al Ahly na Zamalek

Naho imikino ya 1/2 ya CAF Confederations Cup izabera muri Maroc nabwo bakina umukino 1 wo gukuranamo. Amakipe asigayemo ni Renaissance Berkane,Hassania Agadir ,Pyramids FC, na Horoya yo muri Guinea

Igikombe cya Afurika cy’ibihugu cy’abagore cyakuweho gisimbuzwa champions league y’abagore izatangizwa muri 2021.

Iyi mikino yose yahagaritswe kubera icyorezo cya Covid-19 ndetse izakinwa nta bafana mu rwego rwo kwirinda ko iki cyorezo gikwirakwira.

Mu ntangiriro z’uku kwezi nibwo Impuzamashyirahamwe y’Umupira w’Amaguru muri Africa (CAF),yamenyesheje amakipe yegukanye ibikombe bya shampiyona iwayo harimo na APR FC itariki ntarengwa yo kohereza urutonde rw’abakinnyi azakoresha muri CAF Champions League (2020-2021).

CAF yatangaje ko amakipe azatangaza urutonde rw’abakinyi azakoresha hagati ya tariki ya 1 n’iya 20 Nzeri 2020 mbere y’uko atanga urundi rutonde rwa kabiri kuva tariki ya 21 kugeza kuya 30 Nzeri.

Abakinnyi bazandikishwa mu cyiciro cya kabiri bemerewe gusa gutangira gukina uhereye muri 1/16 cy’irushanwa.

Mu mwaka ushize w’imikino, amakipe yatanze abakinnyi azakoresha muri Nyakanga mu gihe amarushanwa Nyafurika yatangiye muri Kanama 2019, ariko ubu itangira ryayo ryigijwe inyuma kubera icyorezo cya Coronavirus (COVID19) cyibasiye Isi.

Kubera iyo mpamvu, imikino y’ijonjora ry’ibanze (1/32) n’iya 1/16 izaba mu Ukwakira uyu mwaka mu gihe icyiciro gikurikira gishobora gukinwa mu Ugushyingo.

Tariki ya 22 Gicurasi 2020,nibwo byemejwe ko APR FC ihawe ìgikombe cya Shampiyona nyuma y’aho FERWAFA ifashe umwanzuro wo guhagarika burundu shampiyona.

Ishingiye ku itegeko nomero 33 rigenga sitati ya FERWAFA n’itegeko 28 rigenga amategeko shingiro yayo, Komite Nyobozi ya FERWAFA yafashe icyemezo cyo guha APR FC igikombe cy’uyu mwaka w’imikino wa 2019/20 nyuma yo kwemeza ko isorejwe aho yari igeze kubera COVID-19.

APR FC yarushaga izindi amanota kugeza ubu, niyo yahawe igikombe hanyuma Gicumbi na Heroes ziramanuka. Izizamuka zizamenyekana hakinwe play-offs mu cyiciro cya kabiri.

APR FC yari itaratsindwa mu mikino 23 yakinnye muri shampiyona y’uyu mwaka w’imikino 2019-2020,yatwaye igikombe ndetse ikatisha itike yo kuzahagararira u Rwanda muri CAF Champions League.

APR FC yatwaye igikombe cya shampiyona cyabaye icya 18 yegukanye, ikaba ari nayo ifite ibikombe byinshi mu Rwanda, ikurikiwe na Rayon Spots ifite 9 naho Kiyovu Sports ikagira bitatu.

Ibikombe bya Shampiyona APR FC yegukanye ni : 1995, 1996, 1999, 2000, 2001, 2003, 2005, 2006, 2007, 2009, 2010, 2011, 2012, 2014, 2015, 2016 na 2018.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Lionel Messi yavuze impamvu ikomeye yatumye atesha umutwe FC Barcelona mu...

Rutahizamu akaba na kapiteni wa FC Barcelona,Lionel Messi,yatangaje ko...
30 September 2020 Yasuwe: 1779 0

FERWAFA yamenyesheje amakipe yose ibyo asabwa mbere yo gutangira...

Ishyirahamwe ry’umupira w’amaguru mu Rwanda [FERWAFA],ryandikiye...
30 September 2020 Yasuwe: 740 0

Frank Lampard yatukanye bikomeye na Jose Mourinho wamutoje igihe...

Umutoza Frank Lampard wa Chelsea yaraye agaragaye atukana bikomeye na Jose...
30 September 2020 Yasuwe: 1791 0

Amatsinda y’abafana ba Rayon Sports yiyemeje gutanga miliyoni 13 FRW mu...

Ku munsi w’ejo tariki ya 29 Nzeri 2020 nibwo komite y’inzibacyuho ya Rayon...
30 September 2020 Yasuwe: 859 0

Myugariro wa Tottenham yavuye mu kibuga umukino utarangiye ajya mu...

Umutoza Jose Mourinho uhorana udukoryo twinshi yakurikiye myugariro we Eric...
30 September 2020 Yasuwe: 1872 0

APR FC yapimishije abakozi bayo bose icyorezo cya COVID-19 mbere yo...

Kuri uyu wa Kabiri Tariki 29 Nzeri 2020, abakozi bose b’ikipe ya APR FC...
29 September 2020 Yasuwe: 1050 0