Kigali

CAF yemeje ko CHAN 2020 izakinwa muri Mata bitera Abanyarwanda benshi urujijo

Imyidagaduro   Yanditswe na: Dusingizimana Remy 22 November 2019 Yasuwe: 1565

Ishyirahamwe ry’umupira w’amaguru muri Afurika,CAF,ryemeje ko igikombe cya Afurika gikinwa n’abakina imbere mu bihugu byabo [CHAN] kizaba kuva kuwa 4 Mata kugeza kuwa 25, aho bizahurirana n’igihe u Rwanda ruzaba rwibuka ku nshuro ya 26 Jenoside yakorewe Abatutsi mu 1994.



Mu kwezi gushize nibwo Minisitiri ufite mu nshingano zayo siporo muri Cameroon yavuze ko iri rushanwa rizaba kuri aya mataliki bitera benshi urujijo gusa kuri uyu wa Kane tariki ya 21 Ugushyingo,Komite nyobozi ya CAF yemeje ko iri rushanwa rizakinwa ku nshuro ya gatandatu yabihaye umugisha.

Iri rushanwa ryagombaga kuba mu ntangiriro za 2020 ryahinduriwe amataliki kugira ngo rinyurane n’amarushanwa y’amakipe arimo CAF Champions League na CAF Confederation Cup.

Abanyarwanda benshi bakomeje kwibaza niba u Rwanda ruzitabira iri rushanwa rizaba mu gihe cyo Kwibuka 26 gusa kugeza uyu munsi ntabwo MINISPOR iratangaza niba ruzitabira.

Uretse u Rwanda rushobora kutazitabira iri rushanwa,ibihugu bimwe bikomeye mu mupira, byari byatangaje ko bitazemera guhagarika za shampiyona zabyo kubera abaterankunga bazishoramo amafaranga ngo bigiye muri CHAN.

Igihugu cya Tunisia cyabwiye CAF ko gishobora kutazitabira iki gikombe niba koko kizakinwa muri Mata.Amavubi yabonye itike asezereye Ethiopia ku bitego 2-1 mu mikino yombi.

Ibibuga bine byo mu mijyi itatu bizifashishwa ni Ahmadou Ahidjo Complex yo muri Yaoundé, Douala Bepanda Omnisport Stadium na Japoma Sports Complex byo muri Douala na Limbe Omnisport Stadium yo muri Limbé-Buea.

Ibihugu 16 bizakina CHAN 2020 ni: Burkina Faso, Cameroun (izakira irushanwa), Congo Brazzaville, Guinée, Mali, Maroc, Namibia, Niger, Uganda, Repubulika Iharanira Demokarasi ya Congo, u Rwanda, Tanzania, Togo, Tunisie, Zambia na Zimbabwe.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imikino y’umunsi wa 14 wa shampiyona y’u Rwanda irakomeje,reba abakinnyi...

Shampiyona y’ u Rwanda mu mupira w’amaguru irakomeza kuri uyu wa gatandatu...
11 December 2019 Yasuwe: 3068 0

Sergio Ramos yasabye ikintu gitangaje abategura ibihembo bya Ballon...

Kapiteni wa Real Madrid, Sergio Ramos,yavuze ko Cristiano Ronaldo na Lionel...
11 December 2019 Yasuwe: 3407 0

Carlo Ancelotti yirukanwe ku kazi nyuma y’amasaha make afashije Napoli...

Umutoza w’umunyabigwi I Burayi,Carlo Ancelotti yirukanwe ku kazi nyuma...
11 December 2019 Yasuwe: 1711 0

UCL: Liverpool yasimbutse umutego ukomeye yari yatezwe mu gihe Inter Milan...

Ikipe ya Inter Milan na Ajax zahabwaga amahirwe yo kugera muri 1/16 cya...
11 December 2019 Yasuwe: 2185 0

Umuhungu wa Cristiano Ronaldo yongeye kuvugwa cyane kubera ibyo yakoreye...

Umuhungu wa Cristiano Ronaldo,Cristiano Jr,yongeye kugaruka mu binyamakuru...
10 December 2019 Yasuwe: 5638 1

Biravugwa:Rutanga Eric mu nzira zo gutandukana n’ikipe ya Rayon...

Rutanga Eric ukina yugarira aca ku mpande akaba na kapiteni wa Rayon Sports...
10 December 2019 Yasuwe: 4775 0