skol
Kigali
startimes

"Cape Verde n’ikipe nziza izaduha akazi"-Umutoza Mashami Vincent

Imyidagaduro   Yanditswe na: Dusingizimana Remy 10 November 2020 Yasuwe: 1011

Umutoza w’ikipe y’igihugu "Amavubi”,Mashami Vincent yatangaje ko ikipe ya Cape Verde izabaha akazi akazi mu mukino wa 03 wo gushaka itike yo kwerekeza mu mikino ya CAN 2021 uteganyijwe kuwa Kane w’iki cyumweru.


Amavubi yageze muri iki gihugu ku munsi w’ejo nyuma y’urugendo rw’amasaha 9 mu ndege ya Rwandair yihariye ndetse uyu munsi abakinnyi babyukiye mu myitozo ya Gym banapimwa na Covid-19 mbere y’amasaha 72 kugira ngo umukino ube nkuko amategeko agenga amarushanwa abitangaza.

Mashami Vincent yabwiye abanyamakuru b’abanyarwanda bari kumwe n’ikipe ko umukino wo kuwa Kane utzaba woroshye kubera ko Cape Verde ari ikipe ikomeye.

Ati “Cape Verde ni ikipe nziza, ni ikipe nziza bitandukanye n’uko twe cyangwa abantu bayifata n’uko bayumva, ni ikipe nziza urebye umukinnyi ku wundi, urebye uko yagiye yitwara mu gushaka amatike y’amarushanwa atandukanye, uko bitwaye mu gikombe cya Afurika. Ni ikipe utaza wizeye ko uje gutoragura amanota, ni ikipe rero izaduha akazi gakomeye kandi turabizi.

Igisigaye ni ukwitegura neza iminsi isigaye tukagira ibyo tugomba gukora. Turi hanze nibyo ariko turabizi ko dufite ikipe imbere yacu itoroshye na gato, bitandukanye n’uko abantu bayumva hanze.”

Kuri uyu wa Kane tariki 12 Ugushyingo 2020, Amavubi azakina na Cape Verde mu mukino w’umunsi wa gatatu wo gushaka itike y’igikombe cya Afurika cya 2021 kizabera muri Cameroun.Umukino uzatangira saa kumi n’ebyiri ku masaha y’i Kigali.

Ikipe y’igihugu ya Cape Verde yakoze imyitozo ya mbere kuri uyu wa mbere, ifite abakinnyi 9 gusa kuko abandi bari batarahagera. Uyu munsi nibwo batangira imyitozo buzuye.

Mu bakinnyi umutoza yari yahamagaye hari abagera kuri 4 batazaboneka kubera impamvu zitandukanye barimo:

1.Elber Evora (AZ Alkmaar )- Yanze kuza
2.Erickson Patrick Correia Andrade (Qarabag )-Yagize imvune muri weekend.
3.Garry Rodriguez (Al Ittihad - ) Yaravunitse
4. Jovane Cabral (Sporting Lisbon ) Yanze kwitabira.

U Rwanda ni urwa nyuma mu itsinda F n’amanota 0, ni nyuma y’uko rwatsinzwe na Mozambique ibitego 2-0 ndetse na Cameroun igitego 1-0, mu mikino ibiri ibanza yabaye mu Ugushyingo 2019.

Cap Verde izahura n’u Rwanda, yo iri ku mwanya wa gatatu mu itsinda n’amanota abiri. Yanganyije na Cameroun ubusa ku busa i Yaoundé mbere yo kwakira Mozambique bikanganya ibitego 2-2.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 822 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1851 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4246 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1197 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2280 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 5049 0