skol
Kigali
startimes

CAS yatangaje amakipe akomeye mu Bwongereza ashaka ko Manchester City ihagarikwa muri UEFA Champions League

Imyidagaduro   Yanditswe na: Dusingizimana Remy 29 July 2020 Yasuwe: 2433

Urukiko rushinzwe gukemura imanza za siporo CAS rwatangaje ko amakipe y’ibigugu mu Bwongereza yujuje inzandiko zisaba ko ikipe ya Manchester City ihagarikwa imyaka 2 idakina UEFA Champions League ndetse ikanacibwa amande kubera kwica amategeko yo kugura no kugurisha abakinnyi [Financial Fair Play].


Amakipe arimo Arsenal, Burnley, Chelsea, Leicester, Liverpool, Manchester United, Newcastle, Tottenham na Wolves yujuje impapuro zisaba ko ikipe bakina muri shampiyona imwe Manchester City yazafatirwa ibihano igihe cyose hazaba habonetse ibindi bihamya ko yahishe ibimenyetso bijyanye no kwica amategeko ya FFP.

Aya makipe yasabye ko iperereza nirigaragaza ibindi byaha bya Manchester City mbere y’uko shampiyona ya 2020/2021 itangira,Manchester City yazahita ihagarikwa mu marushanwa y’i burayi.

Mu gitondo cyo kuwa Mbere tariki ya 13 Nyakanga 2020, Urukiko rwa Siporo ku Isi (CAS/TAS) rwatangaje ko Manchester City yahanaguweho icyaha cyo kwica amabwiriza yo kugurisha no kugura abakinnyi ibizwi nka "Financial Fair Play."

Muri Gashyantare uyu mwaka, nibwo akanama kigenga gashinzwe gukurikirana ibijyanye n’umutungo w’amakipe muri UEFA (CFCB) kari kafatiye ibihano Manchester City kubera kurenga ku mabwiriza ya Financial Fair Play (FFP) hagati ya 2012 na 2016 ndetse ikanabeshya ku baterankunga bayo.

CAS yakuyeho ibihano iyi kipe yahawe byo kumara imyaka 2 itagaragara mu marushanwa ya UEFA inakuraho miliyoni 30 z’amayero yari yaciwe itegekwa kuzishyura miliyoni 10 z’amayero mu gihe kitarenze iminsi 30 kubera ko yanze gufatanya na UEFA mu iperereza.

Manchester City yaciwe aya mafaranga kubera ko "yananiwe gukorana n’ubuyobozi bwa UEFA" kugira ngo ikibazo gikemuke.

Mu Ukuboza 2018 nibwo UEFA yatangije iperereza kuri Manchester City ishinjwa kwica nkana amategeko y’umutungo mu bikorwa by’amakipe azwi nka Financial Fair Play.

Akanama kigenga gashinjwe gukurikirana ibijyanye n’umutungo w’amakipe (CFCB), katangaje ko Manchester City “yabeshye amafaranga yinjije muri raporo yahaye UEFA hagati ya 2012 na 2016” ndetse ntiyorohereze aka kanama mu iperereza.

UEFA yatangije iperereza kuri Manchester City nyuma y’impapuro zagaragajwe n’ikinyamakuru Der Spiegel cyo mu Budage mu Ugushyingo 2018, zigaragaza ko Manchester City yabeshye amafaranga yabonye binyuze mu baterankunga yungutse.

Mu 2014, Manchester City yari yaciwe miliyoni £50 bitewe no kwica aya mabwiriza.
Financial Fair Play (FFP), ni amategeko yashyizweho na UEFA mu 2009 mu rwego kurinda amakipe ari mu marushanwa yayo gutakaza amafaranga arenze ubushobozi bwayo, harebwe ku yinjizwa.

Muri aya mategeko, amafaranga yose ikipe yinjije n’ayo yatanze mu bikorwa bitandukanye aba agomba kumenyekanishwa ndetse amakipe agakora ku buryo ajya kungana.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bayern Munich yongeye gukora amateka itwara UEFA Super Cup

Ikipe ya Bayern Munich ikomeje kugaragaza ubukaka bwayo mu gutwara ibikombe...
25 September 2020 Yasuwe: 189 0

FERWAFA yasaranganyije amakipe indi nkunga yatanzwe na CAF

Ishyirahamwe ry’umupira w’amaguru mu Rwanda ryagabanyije amakipe atandukanye...
24 September 2020 Yasuwe: 1212 0

Luis Suarez yahishuye ikintu gikomeye Lionel Messi yamusabye akamwima...

Mu ijoro ryakeye nibwo ikipe ya Atletico Madrid yatangaje ku mugaragaro ko...
24 September 2020 Yasuwe: 3072 0

Nubwo umuti washariraga ariko mu nyungu rusange wari ngombwa-Sadate...

Uyu munsi nibwo habaye ihererekanyabubasha hagati y’umuyobozi wa Rayon...
24 September 2020 Yasuwe: 2020 0

Byinshi wamenya ku munyezamu Edouard Mendy waguzwe n’ikipe ya...

Chelsea imaze kugura umunyezamu Edouard Mendy wakinaga muri Rennes yo mu...
24 September 2020 Yasuwe: 1644 0

Murenzi Abdallah yavuze aho azakura imbaraga zo gusubiza Rayon Sports ku...

Umuyobozi w’inzibacyuho wa Rayon Sports,Murenzi Abdallah aratangaza koi...
24 September 2020 Yasuwe: 2709 0