skol
Kigali
startimes

Chelsea yongereye imbaraga mu bwugarizi isinyisha Thiago Silva wakinaga muri PSG

Imyidagaduro   Yanditswe na: Dusingizimana Remy 28 August 2020 Yasuwe: 3728

Ikipe ya Chelsea yamaze gutangaza ko yamaze gusinyisha myugariro w’umunya Brazil wakiniraga ikipe ya PSG witwa Thiago Silva uje kuyifasha kongera imbaraga mu bwugarizi bwayo bwitwaye nabi mu mwaka w’imikino ushize.


Uyu myugariro w’imyaka 35 yarangije amasezerano ye mu ikipe ya PSG nyuma y’umukino wa nyuma wa UEFA Champions League batsinzwemo na Bayern Munich igitego 1-0,hanyuma Chelsea ihita imwegera kugira ngo ayikinire muri 2020/2021.

Thiago Silva yasinye amasezerano y’umwaka umwe ashobora kongerwaho amezi 12 aramutse yitwaye neza.

Nyuma yo gusinyisha Timo Werner kuri miliyoni £53 z’amapawundi, Hakim Ziyech (£38m), Ben Chilwell (£50m) na Malang Sarr ku buntu,yahise yongeramo uyu myugariro kugira ngo afatanye na Christensen,Zouma na Rudiger mu bwugarizi.

Thiago yakoreye ikizamini cy’ubuzima kuwa Kane I Milan,akaba yerekanwe kuri uyu munsi ndetse biravugwa ko ashobora kugirwa kapiteni w’iyi kipe.

Chelsea yabwiye urubuga rwa Chelsea ati “Nishimiye kwinjira muri Chelsea.Nejejwe no kuzaba ndi mu ikipe ya Frank Lampard y’umwaka utaha kandi ndi hano gushaka ibikombe.Tubonane vuba bafana ba Chelsea,niteguye gukinira I Stamford Bridge vuba.”

Umuyobozi wa Chelsea, Marina Granovskaia yagize ati “Twishimiye kuba twongeye mu ikipe yacu umukinnyi nka Thiago Silva ufite ubunararibonye ku rwego rw’isi.Yakinnye ku rwego rwo hejuru imyaka myinshi,ntidushidikanya ko ubunararibonye n’ubuhanga bwe izuzuzanya n’abakinnyi bafite impano dufite hano.”

Frank Lampard yongereye imbaraga mu bwugarizi nyuma y’aho yinjijwe ibitego 79 mu marushanwa yose yakinnye mu mwaka w’imikino ushize.

Uyu myugariro yitezweho kongera imbaraga mu bwugarizi bwa Chelsea nubwo mu kwezi gutaha azuzuza imyaka 36.

Uyu myugariro yavuze ko yifuza gukina nibura indi myaka 3 cyangwa 4 ubwo yasezeraga kuri PSG.Yatwayemo Ligue 1 irindwi mu 8 yahataniye.

Mu mikino 315 Thiago Silva yakiniye PSG muri iyi myaka 8 yayikiniye,yatwaye ibikombe 23.

Umukinnyi Chelsea ikurikizaho gusinyisha n’Umudage Kai Havertz ukinira ikipe ya Bayer Leverkusen cyane ko iyi kipe yo mu Bwongereza yemeye gutanga miliyoni 71 muri 90 z’amapawundi yasabwaga,andi ikazayatanga bitewe n’uko umukinnyi azitwara.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 3604 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 3896 0

KNC yategeye "Amavubi"akayabo kugira ngo azatsinde Maroc muri CHAN...

Umunyemari Kakoza Nkuriza Charles nyiri Radio na TV1 yatangaje ko yiteguye...
20 January 2021 Yasuwe: 4682 0

Neymar Jr aravugwa mu rukundo rw’ibanga n’umuhanzikazi ufite umwana...

Kizigenza wa PSG,Neymar Jr aravugwa mu rukundo n’umuhanzikazi wo muri...
20 January 2021 Yasuwe: 4025 0

Hahishuwe impamvu idasanzwe yatumye Pierre-Emerick Aubameyang asimbuzwa...

Kapiteni wa Arsenal, Pierre-Emerick Aubameyang,witwaye neza mu mukino iyi...
20 January 2021 Yasuwe: 4123 0

Reba ibyo Munyakazi Sadate yatangaje nyuma yuko Amadorali yari yategeye...

Mu minsi ishize nibwo Muyakazi Sadate yatangaje ko Amavubi naramuka atsinze...
19 January 2021 Yasuwe: 8638 0