Imikino itanu y’umupira w’amaguru muri shampiyona y’icyiciro cya mbere mu Butaliyani izwi nka Serie A, mu mpera y’iki cyumweru izakinwa nta bafana bahari kubera icyorezo cya coronavirus kiri guca ibintu muri iki gihugu.

Sponsored Ad

Umukino witezwe na benshi wa Juventus na Inter Milan zirwanira igikombe cya shampiyona uri mu zizaba nta bafana bari muri stade.

Nkuko byatangajwe,imikino ya Udinese vs Fiorentina, AC Milan vs Genoa, Parma VS SPAL na Sassuolo vs Brescia izaba nta bafana bari ku kibuga.

Imikino ya Lazio vs Bologna, Napoli vs Torino, Lecce vs Atalanta na Cagliari vs AS Roma izaba hari abafana nkuko bisanzwe, ariko umukino wa Sampdoria vs Verona wo ku wa mbere ntabwo urafatwaho icyemezo.

Ubutaliyani bwabaye nk’ubuhagarika ubuzima mu majyaruguru y’igihugu nyuma yaho abantu barenga 300 basanzwemo coronavirus naho abandi 11 ikabahitana
Inter yabaye imwe mu makipe ane yo muri shampiyona ya Serie A yasubitse imikino mu mpera y’icyumweru gishize.

Juventus, ya mbere ku rutonde rw’agateganyo rwa shampiyona, irusha inota rimwe Lazio ya kabiri, mbere y’uwo mukino wo ku cyumweru nimugoroba na Inter iri ku mwanya wa gatatu.