skol
Kigali
startimes

Cristiano Ronaldo na Lionel Messi batunguye isi yose kubera akayabo banze gukorera

Imyidagaduro   Yanditswe na: Dusingizimana Remy 23 January 2021 Yasuwe: 9261

Abakinnyi ba mbere ku isi mu myaka irenga 10 ishize aribo Cristiano Ronaldo banze akayabo k’amamiliyoni y’amapawundi bahabwaga n’igihugu cya Saudi Arabia kugira ngo bamamaze ubukerarugendo bwaho.


Amakuru aravuga ko Cristiano Ronaldo yanze akayabo ka miliyoni 5.3 z’amapawundi yahawe na Saudi Arabia kugira ngo yamamaze ubukerarugendo bw’iki gihugu bwiswe “Visit Saudi”.

Cristiano Ronaldo yasabwa gusa kujya mu matangazo yo kwamamaza iki gihugu ndetse no kuzagisura mu rwego rwo kucyamamaza aho n’amafoto ye yari gukoreshwa gusa yabyanze.

Saudi Arabia yanegereye abahagarariye Messi kugira ngo nawe bakorane ariko uyu mukinnyi biravugwa ko yateye umugongo aka kayabo k’Abarabu.

Yaba abahagarariye Messi cyangwa na Ronaldo nta n’umwe wemeye kuganira na The Telegraph kuri iki kibazo.

Saudi Arabia irashaka kuba igihugu gikurura ba mukerarugendo ariyo mpamvu yari yiyemeje gukorana n’ibi byamamare ariko bitesha agaciro ubusabe bwayo.

Biravugwa ko aba bakinnyi babitewe n’uko iki gihugu cyagiye gishinjwa guhonyora uburenganzira bwa muntu ndetse no kuba gifite isura mbi mu bwicanyi ariyo mpamvu batinye ko bakoranye nacyo byakwangiza isura yabo.

Nubwo zimwe mu ngendo zahagaze kubera Covid-19, Saudi Arabia yo itangaza ko Visa yemerera ba mukerarugendo kwerekezayo.

Amakuru avuga ko umukinnyi wakwemera gukorana na Saudi Arabia ashobora kunengwa bikomeye ndetse n’abafana bakamucikaho.

Saudi Arabia ni igihugu gikungahaye cyane ndetse mu rwego rwo kwamamaza giherutse kugura igikombe cya super Cup muri Espagne kijya gukinirwa ahitwa I Jaddah muri Mutarama umwaka ushize aho hahuriye amakipe akomeye nka Barcelona,Real Madrid, Atletico Madrid na Valencia.

Saudi Arabia yaguze iki gikombe imyaka 3 ngo gikinirwe iwabo itanze akayabo ka miliyoni 102 z’amapawundi gusa uyu mwaka nticyahakiniwe kubera Covid-19.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ivan Minnaert yashimiye Rayon Sports nyuma yo kumwishyura amafaranga ye...

Ikipe ya Rayon Sports yamaze kwishyura Ivan Minnaert umwenda w’amafaranga...
3 March 2021 Yasuwe: 3867 1

FERWAFA yashyize hanze impamvu yatumye Mashami Vincent yongererwa...

Kuri uyu wa Gatatu tariki ya 03 Werurwe 2021,nibwo FERWAFA yashyize hanze...
3 March 2021 Yasuwe: 3819 0

Team Rwanda yatwaye imidali 5 muri shampiyona y’Afurika yo gusiganwa ku...

Ku munsi wa kabiri wa shampiyona ya Afurika yo gusiganwa ku...
3 March 2021 Yasuwe: 3547 0

Manchester United irashaka gutwara Inter Milan umukinnyi ukomeye nyuma yo...

Ikipe ya Inter Milan yananiwe kwishyura akayabo ka miliyoni 43 z’amapawundi...
3 March 2021 Yasuwe: 4263 0

Biravugwa:Byiringiro Lague agiye kwerekeza mu igeragezwa mu ikipe ikomeye...

Rutahizamu w’ikipe ya APR FC w’imyaka 20,Byiringiro Lague,biravugwa ko agiye...
3 March 2021 Yasuwe: 3194 0

FC Barcelona iri gushaka abakinnyi 5 bakomeye bo gutuma Messi yisubiraho...

Ikipe y’ikigugu muri La Liga mu ikipe ya Barcelona iri gushaka abakinnyi 5...
2 March 2021 Yasuwe: 5169 0