Rutahizamu wa Juventus,Cristiano Ronaldo yamaze gukira Covid-19 nyuma y’iminsi 17 yari amaze ari mu kato kanatumye adakina umukino iyi kipe ye iheruka gutsindwamo na FC Barcelona ibitego 2-0.

Sponsored Ad

Kuri uyu wa Gatanu nibwo Cristiano Ronaldo yapimwe asangwa nta bwandu bw’iki cyorezo agifite ahita yemererwa kongera gukora imyitozo na bagenzi be.

Ronaldo ntiyakinnye imikino 4 Juventus iheruka kubera akato k’iki cyorezo yanduriye mu ikipe y’igihugu ya Portugal.

Juventus yaraye itangaje ko uyu mukinnyi yakize ndetse adakeneye kongera kwishyira mu kato ukundi ahubwo ubu agiye kugaruka mu myitozo.

Cristiano Ronaldo ashobora kugaruka ku mukino Juventus izasuramo Spezia mu mpera z’iki cyumweru.

Ronaldo yasanganwe Covid-19 kuwa 13 Ukwakira 2020 nyuma y’iminsi mike akinnye umukino wahuje Portugal na Espagne.

Inshuti z’uyu mukinnyi zavuze ko yari abayeho mu buzima bubi aho bavuze ko byari bimeze “nk’inyamaswa y’inkazi ifungiwe mu mwobo” nkuko ikinyamakuru Tuttosport cyabitangaje.

Kuwa kuwa Kabiri w’icyumweru gishize nibwo Ikinyamakuru cyo muri Portugal Correio de Manha cyavuze ko ibisubizo bya kabiri bya Cristiano Ronaldo nabyo byagaragaje ko akirwaye Covid-19 bituma asiba umukino wa FC Barcelona.