skol
Kigali
startimes

Cristiano Ronaldo yakoreye igikorwa gitangaje umugabo ufite Restaurant mu mujyi wa Turin

Imyidagaduro   Yanditswe na: Dusingizimana Remy 4 November 2020 Yasuwe: 7502

Cristiano Ronaldo yakoze amateka adasanzwe mu mupira w’amaguru mu makipe yaciyemo arimo Manchester United,Real Madrid na Juventus ariko yakoze ku mutima wa nyiri restaurant yo mu mujyi wa Turin ubwo yasangaga yuzuye agategereza iminota 40 ngo abone ameza yo gusangiriraho n’umukunzi we n’umwana we.


Cristiano Ronaldo w’imyaka 35 akora ibikorwa by’urukundo bitandukanye ariko uyu mutima wo kwicisha bugufi wakoze ku mutima umugabo witwa Davide Fiore ufite restaurant mu mujyi wa Turin.

Mu ijoro ribanziriza Noheli ya 2018,Cristiano Ronaldo yasohokanye n’umukunzi we Georgina Rodriguez n’umuhungu we Cristiano Jr muri restaurant yitwa Casa Fiore yo mu mujyi wa Turin.

Nyirayo Davide Fiore yavuze ko yakiriye komande ya Cristiano Ronaldo hakiri kare,yagowe no kutubahiriza ibyo yari yemereye iki cyamamare kuko cyahageze gisanga huzuye ntaho kwicara.

Davide Fiore yatanze ameza yari kwakiriraho Cristiano Ronaldo n’umuryango we kuko yari aziko bari buhagere nijoro gusa abo yayahaye batinze kugenda.

Ubwo aba bahageraga, Davide Fiore yarababaye cyane kuko yari azi ko bagiye kwigendera ariko yatunguwe no kubona Ronaldo n’umuryango we bemeye gutegereza ndetse bakamara iminota 40 yose bategereje.

Fiore yabwiye Tuttosport ati “Biragoye kubyibagirwa,numvaga meze nkuri kureba filimi.Ubwo nari mu rugo nitegura kujya mu kazi nimugoroba,nakiriye telefoni ntari niteze.

Umuntu yampamagaye ansaba gutegurira ameza y’abantu 3 Cristiano Ronaldo saa tatu n’igice z’ijoro.

Nahise mbyemera ariko ndibaza nti “Ndabikora gute?.Nari mbizi ko nta mwanya wari uhari hari huzuye ariko numvaga ko abatanze komande ya saa 7:30 biragera saa 09: 30 bagiye.Kugira ngo ntuze,natiye ameza mu yindi restaurant nyishyira mu Nguni.

Cristiano Ronaldo,Georgina na Cristiano Jr bahageze saa mbili.Naratunguwe.Abakiriya bose bahise baceceka,nta n’umwe wongeye kuvuga ndetse nta n’umwe washatse guhaguruka,bari barangariye CR7.

Nicaje Cristiano Ronaldo n’abantu be ku meza yo kwitabaza.Amasaha yakomeje kwicuma ariko nta mukiriya n’umwe wahagurukaga ngo agende.Cristiano Ronaldo n’umuryango we nta n’umwe warakaye.

Muri uwo mwanya nabonye ko nubwo Cristiano Ronaldo ari icyamamare ku isi ariko ari umuntu mwiza cyane.

Ndababwiza ukuri ko nabonye abantu benshi batari n’ibyamamare bahitaga bagenda nta n’iminota 05 ishize,batukana ndetse bavuga nabi cyane ariko we yategereje ameza ye iminota 40 yose.”

Uyu mugabo yavuze ko nyuma y’iminsi 04 Cristiano Ronaldo yongeye kugaruka ndetse ubu aza muri Restaurant ye buri cyumweru.


Cristiano Ronaldo yakoze ku mutima Fiore

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 746 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1830 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4066 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1185 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2277 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 4984 0