skol
Kigali
startimes

Cristiano Ronaldo yakoreye ikintu gitangaje mu kato ka Covid-19 arimo [AMAFOTO]

Imyidagaduro   Yanditswe na: Dusingizimana Remy 24 October 2020 Yasuwe: 6770

Kizigenza Cristiano Ronaldo ukinira ikipe ya Juventus mu Butaliyani amaze iminsi isaga 12 ari mu kato nyuma yo gupimwa agasangwa yaranduye icyorezo cya Covid-19.


Mu rwego rwo gushaka icyamuhuza muri aka kato arimo mu mujyi wa Turin,yiyogoshe umusatsi we asigaza gake cyane ku mutwe.

Uyu mukinnyi waherukaga kugaragara ari mu myitozo ikomeye irimo no gutwara igare,yatunguranye ashyira hanze amafoto yiyogoshe umusatsi we ukundwa na benshi biganjemo abagore.

Ronaldo w’imyaka 35 yanduye Covid-19 ari mu ikipe y’igihugu ariko kuwa Kabiri w’iki cyumweru yongeye gusanganwa ubu bwandu.

Cristiano Ronaldo aba mu cyumba cya wenyine ariko ntibimubuza gukora siporo no gushyira amafoto n’amavidewo ku mbuga nkoranyambaga ze.

Ronaldo aherutse gufatwa amashusho n’umukunzi Georgina Rodriguez ari gutwara igare, ariko ntabwo bari kumwe mu cyumba kimwe kuko yayifatiye inyuma y’ikirahuri cy’ikindi cyumba.

Ronaldo yafashe umwanzuro ukomeye wo kurinda umuryango we aho yahisemo gutandukana nabo akaba mu cyumba cye wenyine.

Kuwa 13 Ukwakira 2020 nibwo Cristiano Ronaldo yasanganwe Covid-19 ari mu ikipe y’igihugu ya Portugal ariko kugeza na nubu ntabwo iyi virus ya Corona iramushira mu mubiri.

Ikinyamakuru cyo muri Portugal Correio de Manha cyavuze ko ibisubizo bishya bya Cristiano Ronaldo byaje kuwa Kabiri nabyo byagaragaje ko akirwaye Covid-19.

Minisitiri wa siporo w’Ubutaliyani, Vincenzo Spadafora,yatangaje ko Ronaldo yishe amabwiriza yo kwirinda Covid-19 ariko uyu mukinnyi aherutse kubihakana.

Ronaldo yagize ati “Mpora mu rugo,nota izuba kugira iminsi yicume.Ndubahiriza amabwiriza,ntabwo nayishe.Ibyavuzwe ni ibinyoma.

Nagarutse mu Butaliyani mvuye muri Portugal kubera ko njye n’ikipe yanjye twubahirije amabwiriza.Naje mu ndege y’imbangukiragutabara.Nta muntu nahuye nawe mu mujyi wa Turin.”

Kuba Cristiano Ronaldo yongeye gusanganwa Covid-19 ku nshuro ya kabiri bishobora gutuma atakaza amahirwe yo kuzaba mu ikipe ya Juventus yitegura guhangana na FC Barcelona mu mukino ukurikiraho wo mu itsinda G rya Champions League uzaba mu cyumweru gitaha.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza Mikel Arteta yahishuye ikibazo nyamukuru ikipe ya Arsenal ifite...

Ikipe ya Arsenal yaraye itsinzwe umukino wa 5 muri shampiyona y’Ubwongereza...
30 November 2020 Yasuwe: 1750 0

Messi ashobora guhombya FC Barcelona kubera ibyo yakoze yibuka...

Kizigenza Lionel Messi wa FC Barcelona ashobora gutuma iyi kipe ye icibwa...
30 November 2020 Yasuwe: 2635 0

’Yacenze abakinnyi benshi b’Ubwongereza mu buryo bumeze nk’ubufindo...

Umusifuzi wo muri Tunisia wasifuye umukino Ubwongereza butazibagirwa...
30 November 2020 Yasuwe: 1109 0

Jose Mourinho yapfobeje abakinnyi be mu rugamba rwo gushaka igikombe cya...

Umutoza wa Tottenham,Jose Mourinho yatangiye gukina imikino ye isekeje mu...
30 November 2020 Yasuwe: 1544 0

AS Kigali yatsinzwe umukino ubanza wa CAF Confederations Cup

Ikipe ya AS Kigali ihagarariye u Rwanda mu mikino ya CAF Confederations Cup...
29 November 2020 Yasuwe: 3197 0

Djabel yahishuye ibintu 2 bizafasha APR FC gusezerera Gor Mahia

Umukinnyi Manishimwe Djabel ukina afasha ba rutahizamu gutsinda ibitego...
29 November 2020 Yasuwe: 2601 1