skol
Kigali
startimes

Cristiano Ronaldo yarakaje ubuyobozi bw’Ubutaliyani kubera ibyo yakoze kandi arwaye Covid-19

Imyidagaduro   Yanditswe na: Dusingizimana Remy 15 October 2020 Yasuwe: 10609

Minisitiri wa Siporo w’Ubutaliyani yatangaje ko ashinja rutahizamu wa Juventus,Cristiano Ronaldo,kwica amabwiriza yo kwirinda Covid-19 kuko yafashe indege ava muri Portugal yerekeza mu Butaliyani.


Cristiano Ronaldo wasanganwe Covid-19 kuwa 13 Ukwakira 2020 yatunguranye ubwo yafataga indege yihariye ikora nk’imbangukiragutabara asubira mu Butaliyani kwitegura gukinira Juventus atitaye ko yanduye iki cyorezo.

Uyu rutahizamu yahise yerekeza mu rugo rwe ari naho agiye kwishyirira mu kato kugira ngo akire iki cyorezo.

Uru rugrndo rw’uyu rutahizamu rwateye benshi kwibaza byinshi kuko bamwe bamunenze bavuga ko atagombaga kurira indege arwaye iki cyorezo.

Minisitiri wa siporo mu butaliyani,Vincenzo Spadafora,yabwiye Rai Radio ko uyu mukinnyi yakoze ikosa ryo kwica amabwiriza.Ati “Nta burenganzira yahawe n’abashinzwe ubuzima,ndumva yishe amabwiriza y’ubuzima.”

Juventus yanze kuripfana ihita isohora itangazo rishyigikira umukinnyi wayo ati “Cristiano Ronaldo yagarutse mu Butaliyani mu ndege y’Imbangukiragutabara kandi yahawe uburenganzira n’inzego z’ubuzima nyuma yo kubisaba.Arakomeza kwishyira mu kato mu rugo.”

Cristiano Ronaldo yafashwe kimwe n’abandi bantu bose banduye Covid-19 ndetse ngo yifuzaga kugaruka aho akorera akazi kugira ngo abe ariho agira mu kato.

Umuyobozi w’Ubuzima muri Portugal, Graca Freitas,yavuze ko Cristiano Ronaldo yasinye ku nyandiko yemera ko azishyira mu kato mu buryo bukwiriye abona guhabwa uruhushya rumwemerera kujya hanze y’igihugu.

Abashinzwe ubuzima mu bihugu byombi bagiye gukomeza guhana amakuru ku bijyanye n’uko Cristiano Ronaldo amerewe kugeza ubwo azakirira akongera gusubira mu kibuga.

Ronaldo yasuzumwe kabiri mu ntangiriro z’iki cyumweru n’abashinzwe ubuzima mu ikipe ya Portugal birangira ibipimo bigaragaje ko yanduye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Liverpool yatakaje agahigo gakomeye yari ifite ikomeza kujya mu bihe...

Ikipe ya Liverpool imaze iminota 438 itinjiza igitego mu izamu ry’ikipe...
22 January 2021 Yasuwe: 3157 0

APR FC yahisemo guha Kiyovu Sports Ishimwe Kevin wayinaniye

Kuwa Mbere tariki ya 18 Mutarama 2021, Ikipe y’Ingabo z’Igihugu APR FC...
21 January 2021 Yasuwe: 3318 0

Cristiano Ronaldo yakoze akandi gahigo gakomeye cyane ku isi

Rutahizamu wa Juventus, Cristiano Ronaldo,yamaze kuba uwa mbere ku isi...
21 January 2021 Yasuwe: 4025 0

Theo Walcott yavuze umukinnyi bakinannye abona yararushaga ubuhanga Thierry...

Umwongereza Theo Walcott ukinira ikipe ya Southampton ariko wamamaye muri...
20 January 2021 Yasuwe: 4952 0

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 4802 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 4818 0