addresiya
Kigali
startimes

Cristiano Ronaldo yashimwe cyane na mugenzi we bakinana kubera igikorwa cy’ubumuntu yatumye bakorera abatishoboye kubera Coronavirus

Imyidagaduro   Yanditswe na: Dusingizimana Remy 15 April 2020 Yasuwe: 2357

Rutahizamu wa Juventus Cristiano Ronaldo yongeye gukora ku mitima ya benshi kubera igikorwa gikomeye yakoze cyo gushishikariza bagenzi be bakinana mu ikipe y’igihugu ya Portugal gutanga uduhimbazamusyi twabo tugafasha abantu muri ibi bihe bibi bya Coronavirus.



Mugenzi we bakinana Bernardo Silva yabwiye abanyamakuru ko uyu kizigenza ariwe wandikiye buri mukinnyi wa Portugal amusaba ko yatanga 50 % by’agahimbazamusyi yahawe kubera ko babonye itike yo kwerekeza muri Euro yimuriwe muri 2021 agahabwa abamerewe nabi kubera Coronavirus.

Bernardo Silva yavuze ko Ronaldo yashyize imbaraga nyinshi muri ubu bukangurambaga nyuma y’aho aba bakinnyi bahawe aka gahimbazamusyi.

Mu kiganiro Bleacher Report yagiranye na Silva,yamubajije uko Cristiano Ronaldo yitwara kuri gurupe ya WhatsApp bahuriraho ayibwira ko atanga ibitekerezo bitandukanye ndetse mu minsi mike ishize yagiriye inama bagenzi be yo gutanga igice cy’agahimbazamusyi bahawe nyuma yo kwerekeza muri Euro 2020 yimuriwe 2021 kagahabwa abababaye.

Yagize ati “Aba atuje.Mu by’ukuri mu minsi 2 cyangwa 3 ishize,niwe watugiriye inama yo gutanga agahimbazamusyi twahawe kuko twabonye itike ya Euro 2020 yamaze kwimurirwa 2021.

Yaduhaye igitekerezo cyo gutanga igice cy’agahimbazamusyi tugafasha kandi ndatekereza buri wese mu ikipe y’igihugu azabikora.Ahora atwoherereza ubutumwa ndetse ntabwo adukura muri group nkuko Kyle abikora muri Manchester City.”

Aya mafaranga aba bakinnyi batanze,azashyirwa mu kigega ishyirahamwe ry’umupira w’amaguru muri Portugal ryafunguye mu rwego rwo gufasha amakipe y’abatarabigize umwuga yazahaye cyane kubera COVID-19.

Mu minsi ishize,Cristiano Ronaldo na Lionel Messi bifatanyije na bagenzi babo gufasha isi mu rugamba rutoroshye rwo guhangana n’icyorezo cya COVID-19 kimaze guhitana abantu basaga ibihumbi 15 hirya no hino ku isi.

Cristiano Ronaldo ari kumwe n’umushakira amakipe Jorge Mendes batanze miliyoni 1 y’amayero mu gufasha ibitaro byo muri Portugal nabyo byita ku barwayi ba Coronavirus.

Lionel Messi Ukinira FC Barcelona yatanze akayabo ka miliyoni imwe y’amayero [ €1m (£920,000)] mu rwego rwo gutera inkunga ivuriro ryita ku barwayi ba Coronavirus ndetse riri gukora ubushakashatsi kuri iki cyorezo.

Muri iki gihe ibihugu byinshi byafashe ingamba zo gutegeka abantu kuguma mu rugo kubera Coronavirus,Cristiano Ronaldo ari iwabo I Madeira n’umuryango we aho yavuye mu Butaliyani iki cyorezo kimeze nabi ndetse cyanageze ku bakinnyi bakinana barimo Paulo Dybala,Daniele Rugani na Blaise Matuidi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 5789 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3789 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2129 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1890 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3354 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2478 1