Cristiano Ronaldo yatangaje abakinnyi 2 yifuza ko Juventus yagura bakayifasha gukomeza kwegukana ibikombe
Yanditswe: Tuesday 05, Feb 2019
Rutahizamu Cristiano Ronaldo wujuje imyaka 34 kuri uyu wa Kabiri taliki ya 05 Gashyantare 2019,yatangaje ko ikipe ye ya Juventus ikwiriye gushaka uko yagura myugariro Marcelo na rutahizamu James Rodriguez bose bakinannye muri Real Madrid,kugira ngo bayifashe gutwara ibikombe by’I Burayi.
Ronaldo yavuze ko aba basore 2 ari bamwe mu bakinnyi bafite ubuhanga ndetse bafasha ikipe ya Juventus mu mikino y’iburayi irimo UEFA Champions League iheruka gutwara mu mwaka wa 1996.
Ibinyamakuru byo mu Butaliyani biratangaza ko uyu munya Portugal yifuje bikomeye ko Marcelo wamuhaye imipira myinshi ivamo ibitego ubwo bakinanaga muri Real Madrid yamusanga mu ikipe ya Juventus ndetse n’uyu myugariro biravugwa ko atagikunda ikipe ya Real Madrid.
James Rodriguez amaze imyaka 2 atijwe mu ikipe ya Bayern Munich gusa biravugwa ko nitamusinyisha ashobora kurambagizwa na Juventus ikamwitwarira.
Cristiano Ronaldo arifuza ko Juventus igura Marcelo na James Rodriguez
Ibitekerezo
nshakakonozandonka.amakuru,kumukumusi.muzobamukoze.