Ikipe ya Portugal yabaye ikipe ya mbere ye gukanye igikombe cya Euro Nations League giheruka gutangizwa na UEFA mu rwego rwo kongerera imikino amakipe y’ibihugu I Burayi aho yatsinze igitego 1-0 Ubuholandi mu mukino waraye ubereye ku kibuga Estadio do Dragao cya FC Porto.

Sponsored Ad

Kapiteni Cristiano Ronaldo na bagenzi be,baraye bamanitse iki gikombe nyuma yo gutsinda Ubuholandi igitego 1-0 cyatsinzwe na Goncalo Guedes ku munota wa 60 w’umukino ku mupira mwiza yahawe na Bernardo Silva.

Cristiano Ronaldo yongereye ibigwi mu ikipe ya Portugal kuko mu mikino 3 ya nyuma agezeho ku bikombe by’Uburuayi yatwayemo 2 birimo iki cya Euro Nations yaraye atwaye,na Euro 2016 mu gihe we na Figo na bagenzi babo batsindiwe ku mukino wa nyuma wa Euro 2004 n’Ubugereki.

Cristiano Ronaldo w’imyaka 34 na bagenzi bo muri Portugal bagize irushanwa ryiza cyane kuva ryatangira bibafasha gukinira imikino ya nyuma iwabo aho batsinze Ubusuwisi 3-1 muri ½ .

Mu mukino wo guhatanira umwanya wa 3,Ubwongereza bwatsinze Ubusuwisi kuri penaliti 6-5 nyuma yo kunganya 0-0 mu minota 120.

Umukinnyi w’irushanwa yabaye Bernardo Silva mu gihe ikipe y’irushanwa igizwe na Pickford, Mbabu, Akanji, Dias, De Ligt, Guerreiro, De Roon, Silva, De Jong, Depay, Ronaldo.