skol
Kigali
startimes

Diego Maradona wakoze amateka muri ruhago yahitanwe n’umutima

Imyidagaduro   Yanditswe na: Dusingizimana Remy 25 November 2020 Yasuwe: 4428

Umunyabigwi Diego Armando Maradona wakoze amateka adasanzwe mu mupira w’amaguru yahitanwe n’indwara y’umutima nyuma y’iminsi mike yizihije isabukuru y’imyaka 60 ndetse anabazwe mu bwonko.


Uyu wahoze ari rutahizamu wo hagati wa Argentine akanaba umutoza wayo yabazwe ubwonko kandi bigenda neza mu ntangiriro z’uku kwezi, kubera ipfuno ry’amaraso ryari mu bwonko.

Maradona yari umwe mu bakinyi bakomeye isi yagize, akaba yari kapiteni wa Argentine itwara igikombe cyo mu 1986, cyabereye muri Mexico aho yakoze amateka yo gusezerera Ubwongereza muri ½ cy’iri rushanwa abatsinze ibitego 2 bitazibagirana birimo n’icyo yatsindishije ukuboko.

Itangazo ryashyizwe ku mbuga nkoranyambaga n’ishyirahamwe ry’umupira w’amaguru muri Argentine rigira riti "tubabajwe cyane n’urupfu rwa kabuhariwe wacu", rikomeza riti i: "Uzahora mu mitima yacu."

Maradona yakiniye Barcelona na Napoli nk’uwabigize umwuga, atwara igikombe cya Serie A mu Butariyani Napoli iheruka ndetse yamugize umunyabigwi wayo.

Yatsinze ibitego 34 mu mikino 91 yakiniye Argentine, ayiserukira mi bikombe by’isi bine.

Maradona yagejeje igihugu cye ku mukino wa nyuma w’igikombe cy’isi cyo mu Butaliyani mu 1990, batsindwa n’Ubudage bw’Uburengerazuba,mbere y’uko yongera kuba kapiteni mu gikombe cy’isi muri Leta Zunze Ubumwe za Amerika mu 1994, ariko aza kwirukanwa kubera gufata imiti yongera ingufu.

Mu gihe cyo gusoza gukina kwe, Maradona yagowe n’ikiyobyabwenge cya cocaine cyatumye anahagarikwa gukina amezi 15 nyuma yo kugisanganwa mu maraso mu 1991.

Maradona yasezeye ku mupira w’amaguru mu 1997, yujuje imyaka 37 y’amavuko, mu mwaka wa kabiri akinira ikipe ikomeye yo muri Argentine, Boca Juniors.

Nyuma yo gutoza igihe gito amakipe abiri muri Argentine ubwo yari agikina, Maradona yagizwe umutoza w’ikipe y’igihugu mu 2008, ava muri ako kazi nyuma y’gikombe cy’isi cyo mu 2010ubwo ikipe ye yatsindwaga n’Ubudage muri kimwe cya kane cy’irushanwa ibitego 4-0.

Nyuma yaje gutoza amakipe yo muri United Arab Emirates na Mexique, anatoza Gimnasia y Esgrima, ikipe ikomeye cyane muri Argentine, yanatozaga ubu.

Perezida wa Argentina yashyizeho iminsi 3 y’icyunamo mu gihugu hose mu rwego rwo kunamira Maradona.




Maradona yakoze amateka mu mupira w’amaguru atazibagirana ku isi

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amavubi yageze Amahoro mu mujyi wa Limbe agomba guhanganiramo na...

Ikipe y’igihugu "Amavubi" yageze mu mujyi wa Limbe ivuye Douala aho izakina...
24 January 2021 Yasuwe: 3812 0

Didier Gomes Da Rosa watoje Rayon Sports yerekeje muri Simba...

Umutoza Didier Gomes Da Rosa, ufite ubwenegihugu bw’Ubufaransa na Portugali,...
24 January 2021 Yasuwe: 3534 0

Irambona Eric wagize imvune yabazwe

Myugariro wa Kiyovu Sports,Irambona Eric yabazwe imvune yari afite, Kuwa...
24 January 2021 Yasuwe: 3845 0

“Ronaldo ntabwo ari umukinnyi mwiza ku isi”-George Weah

Nk’uko byatangajwe na George Weah wigeze gutsindira Ballon d’or ndetse kuri...
24 January 2021 Yasuwe: 5427 0

Inshoreke za Diego Maradona zashwaniye ku karubanda zipfa umutungo wa...

Nyakwigendera Diego Maradona watabarutse mu mpera z’umwaka ushize yasize...
23 January 2021 Yasuwe: 5284 0

Cristiano Ronaldo na Lionel Messi batunguye isi yose kubera akayabo banze...

Abakinnyi ba mbere ku isi mu myaka irenga 10 ishize aribo Cristiano Ronaldo...
23 January 2021 Yasuwe: 8131 0