skol
fortebet

Fabrice Mugheni yamaganye amakuru avuga ko agiye kwerekeza muri Yanga Africans

Yanditswe: Monday 11, May 2020

Sponsored Ad

Umukinnyi wo hagati wa Rayon Sports,Kakule Mugheni Fabrice yatangaje ko amakuru yanditswe na kimwe mu binyamakuru byo muri Tanzania ko agiye kwerekeza muri Yanga Africans ari ibihuha.

Sponsored Ad

Mugheni uri mu bakinnyi bakunzwe muri Rayon Sports, yatangarije kuri Instagram ye ko nubwo ari ku rutonde rw’abakinnyi bari gusoza amasezerano muri iyi kipe, yahakanye amakuru avuga ko ari kuvugana na Yanga SC yo muri Tanzania ahubwo avuga ko yatangiye kuvugana na Rayon Sports kugira ngo yongere amasezerano ye.

Yagize ati“Amakuru y’ibihuha. Ndacyafite amasezerano na Rayon Sports azarangira mu minsi mike iri imbere kandi twamaze kuvugana ku byo kuba nakongera amasezerano. Mu minsi iri imbere muzamenya niba nzaguma hano cyangwa niba nzahindura ikipe.”

Tariki ya 5 Ukwakira 2018 ni bwo Mugheni Kakule Fabrice wari umaze umwaka w’imikino 2017-2018 muri SC Kiyovu, yasinye amasezerano y’imyaka ibiri muri Rayon Sports.

Mugheni ari mu bakinnyi bari gusoza amasezerano muri iyi kipe we n’abandi bakinnyi benshi.

Mbere yo kwerekeza muri Kiyovu Sports,Mugheni Kakule Fabrice yakiniye Rayon Sports imyaka ibiri 2015-16 na 2016-17 ayitwaramo ibikombe bibiri; icya shampiyona 2017 n’icy’amahoro 2016. Yayifashije kwegukana shampiyona ya 2018-2019.

Amakuru aravuga ko uretse Mugheni Fabrice,hari abandi bakinnyi ba Rayon Sports babiri barimo Ally Niyonzima na Micheal Sarpong wirukanwe.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa