skol
Kigali
startimes

FC Barcelona irashaka kugurisha abakinnyi bayo bose igasigarana 4

Imyidagaduro   Yanditswe na: Dusingizimana Remy 16 August 2020 Yasuwe: 8967

Nyuma yo kunyagirwa na Bayern Munich ibitego 8-2,ikipe ya FC Barcelona irashaka kwirukana abakinnyi bayo bo mu ikipe ya mbere benshi uretse abakinnyi 4 batanga icyizere.


Perezida Josep Maria Bartomeu ngo afite gahunda yo gukubura abakinnyi bose bo mu ikipe ya mbere agasigarana 4 gusa bo kubakiraho nyuma y’aho iyi kipe ye inyagiwe ibitego 8-2.

N’uwa mbere mu myaka 80 ishize ikipe ya Barcelona itsinzwe ibitego 8 ariyo mpamvu ubuyobozi bw’iyi kipe bwiyemeje kugira icyo bukora kugira ngo bwubake ikipe nshya izongera guhatana ku rwego rwo hejuru.

Abakunzi ba FC Barcelona barasaba Bartomeu kwegura vuba na bwangu kubera iki cyasha ikipe yasizwe ku butegetsi bwe bwaranzwe no kugura abakinnyi amafaranga menshi ariko bagapfa ubusa.

Mbere na mbere,FC Barcelona igiye kwirukana umutoza wayo Quique Setien imusimbuze undi ufite ubushobozi aho bivugwa ko ashobora kuba Mauricio Pochettino uhanganye n’abandi barimo Max Allegri na Ronald Koeman.

Amakuru aravuga ko abakinnyi bose bakuze mu ikipe ya mbere bazirukanwa uretse Marc-Andre ter Stegen, Clement Lenglet, Frankie De Jong na Lionel Messi.

Ku ikubitiro,abarimo Samuel Umtiti, Ivan Rakitic, Rafinha na Arturo Vidal bashyizwe ku isoko ngo ubifuza wese abatware.

Nyuma yo gutsindwa ibitego 8-2,Pique yagize ati “N’umukino mubi cyane twagize wadusigiye igikomere.Twagonze urutare.Twasebejwe cyane,ntabwo wahatana uri ku rwego rwo hasi nk’urwo twariho.Ibi biragoye kubyakira.

"Ntabwo ari ubwa mbere, ubwa kabiri, cyangwa ubwa gatatu. Ntabwo turi mu nzira nziza."

Abatoza n’abakinyi baragenda hakaza abandi, ariko mvugishije ukuri haciye igihe kirekire tudafite ingufu zishobora guhangana n’andi makipe akomeye ku mugabane w’Ubulayi.

Nibaza ko twese hamwe tugomba kwicara tukaganira hagati yacu icyakorwa ku neza y’ikipe. Ibyatubayeho ntibishobora kwihanganirwa.

"Biragoye cyane kubyemera ariko nibaza ko bizadufasha kwiyumvisha icyakorwa, ku neza yacu twese.

Ikipe yacu ikeneye impinduka. Sindi kuvuga umutoza cyangwa abakinnyi gusa, ariko ikipe yose muri rusange ikwiriye guhinduka.

Dukeneye amaraso mashya kugira ngo ibintu bihinduke, kandi bibaye ngombwa, naba uwa mbere kuva mu ikipe".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 722 0

Imyanzuro yafashwe na RGB nyuma y’isesengura ku bibazo bya Rayon...

Kuri uyu wa Kabiri tariki ya 22 Nzeri 2020,nibwo Minisiteri ya Siporo...
22 September 2020 Yasuwe: 1961 0

Munyakazi Sadate na Komite ye yose bakuweho nyuma y’ibibazo bikomeye byari...

Komite ya Rayon Sports yari iyobowe na Munyakazi Sadate yegujwe n’inama...
22 September 2020 Yasuwe: 3796 0

Ivan Rakitic yahishuye uko Messi na Suarez batari inshuti ze

Umukinnyi wo hagati Ivan Rakitic wari umaze imyaka 6 mu ikipe ya FC...
22 September 2020 Yasuwe: 1365 0

Rayon Sports yasinyishije Ghislain Armel warangaranwe na Kiyovu...

Rutahizamu Armel Ghislain wakiniraga ikipe ya Kiyovu Sports yamaze gusinya...
21 September 2020 Yasuwe: 1898 0

Frank Lampard yatangaje abakinnyi 3 yishimiye mu mukino yatsinzwemo na...

Umutoza wa Chelsea,Frank Lampard yatangaje ko nubwo yaraye atsinzwe na...
21 September 2020 Yasuwe: 4198 0