skol
Kigali
startimes

FC Barcelona yashinje umusifuzi wayisifuriye ku mukino wa El Clasico kuba umufana ukomeye wa Real Madrid

Imyidagaduro   Yanditswe na: Dusingizimana Remy 26 October 2020 Yasuwe: 1461

Ikipe ya FC Barcelona yamaze kwandikira ishyirahamwe ry’umupira w’amaguru muri Espagne irimenyesha ko umusifuzi uherutse kubasifurira ku mukino wa El Clasico bagatsindwa ibitego 3-1 ari umufana w’akadasohoka wa Real Madrid.


FC Barcelona yavuze ko uyu musifuzi yahaye penaliti Real Madrid idakwiriye kubera ko abagize umuryango we ari abafana bakomeye bayo ndetse ko na se yatangije itsinda rikomeye ry’abafana b’iyi kipe.

Uyu musifuzi witwa Juan Martinez Munuera amerewe nabi na buri wese ukunda FC Barcelona kubera penaliti yahaye Real Madrid ku munota wa 61 gusa yemejwe na VAR nyuma y’aho yari yayirengagije.

Ikinyamakuru SPORT nacyo cyateje impaka kubera inkuru cyakoze kivuga ko uyu musifuzi afite se umubyara ufana Real Madrid cyane.

Iki kinyamakuru cyavuze ko se wa Martinez Munuera witwa Juan Ramon, yashinze itsinda ry’abafana ba Real Madrid ryitwa Los Amigos de Benidorm afatanyije n’uwahoze ari perezida wa Valencia witwa Eduardo Zaplana.

Uyu Juan Ramon ngo ni umusifuzi wo mu cyiciro cya 03 muri Espagne ndetse ngo asifura yambaye umupira wa Real Madrid aho kwambara impuzankano z’abasifuzi zateganyijwe.

Igituma abakunzi ba FC Barcelona barakaye cyane nuko umukino baheruka gutsindwamo na Real Madrid 3-1,undi musifuzi wo ku ruhande witwa Miguel Martinez,nawe ari umuvandimwe w’umusifuzi Martinez Munuera.Bakaba bemeza ko uyu mukino wahawe umuryango w’abakunzi ba Real Madrid bakifatira ku gahanga FC Barcelona.

Penaliti Real Madrid yahawe,yaturutse kuri Clement Lenglet wakuruye bigaragara kapiteni wa Real Madrid umupira bigatuma atabasha gutera umupira wari uturutse kuri coup franc n’umutwe.

Iyi penaliti yababaje abantu benshi bo muri FC Barcelona guhera kuri kapiteni Messi kugeza no ku mutoza Ronald Koeman wavuze ko ibyemezo VAR iri gufata muri iyi minsi birwanya FC Barcelona.

Umusifuzi Juan Martinez amaze imyaka 11 mu kazi ko gusifura ariko yanabaye umupolisi mu gace kitwa Alicante.

Uwahoze ari umusifuzi muri Espagne witwa Iturralde Gonzalez,nawe yabwiye AS ko ikosa ryakorewe kuri Ramos ritari rikwiriye penaliti.

Ati “Nibyo habayeho gukurura umupira ariko ntibyatinze cyane.Kuri njye mbona Barcelona yararenganye.”

Icyakora uyu musifuzi yavuze ko Real Madrid hari penaliti yimwe mbere yakagombye kuba yaratanzwe.

Ikinyamakuru Mundo Deportivo nacyo cyemeje ko VAR yarenganyije FC Barcelona aho cyakoze umutwe ugira uti “VAR Injustice” aho cyemeje ko VAR ifata ibyemezo biha amahirwe Real Madrid buri gihe.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusifuzi Ali Bin Nasser wo muri Tunisia yishimiye ko yafashije Maradona...

Umusifuzi wo muri Tunisia wasifuye umukino Ubwongereza butazibagirwa...
28 November 2020 Yasuwe: 1006 0

Jose Mourinho yongeye gukora mu jisho ikipe ya Chelsea bazakina

Umutoza Jose Mourinho yatangaje ko nubwo ikipe ye ya Tottenham iyoboye...
28 November 2020 Yasuwe: 1780 0

Joe Willock ukinira Arsenal yarokotse impanuka y’imodoka [AMAFOTO]

Umukinnyi ukiri muto Joe Willock ukina hagati mu ikipe ya Arsenal yakoze...
28 November 2020 Yasuwe: 1208 0

Amakipe 17 arimo n’iya Chris Froome azitabira Tour du Rwanda 2021 izakinirwa...

Uyu munsi nibwo abategura irushanwa rya Tour du Rwanda na FERWACY bashyize...
27 November 2020 Yasuwe: 969 0

Yahuye n’uruva gusenya kubera kwifotoreza ku murambo wa Diego Maradona...

Umugabo witwa Diego Molina wari mu batoranyijwe ngo batunganye umurambo wa...
27 November 2020 Yasuwe: 5011 0

Arsenal yagiriye ikibazo muri Norway nyuma yo gutsinda Molde

Ikipe ya Arsenal yaraye itsindiye Molde ku kibuga cyayo muri Norway yaraye...
27 November 2020 Yasuwe: 2874 0