addresiya
Kigali
startimes

FC Barcelona yatangiye La Liga isindwa ku munota wa nyuma na rutahizamu w’umusaza

Imyidagaduro   Yanditswe na: Dusingizimana Remy 17 August 2019 Yasuwe: 2721

Kuvunika kwa Suarez,gutsindwa ku munota wa nyuma no kubura mu kibuga kwa Lionel Messi nibyo byaranze umukino ufungura La Liga ikipe ya FC Barcelona yaraye itsinzwemo na Atletico Bilbao igitego 1-0.



FC Barcelona yari yatangije mu kibuga abakinnyi bayo yaguze barimo Frenkie de Jong na Griezmann,yakubiswe igitego kibabaza ku munota wa 89 na muzehe w’imyaka 38 Aritz Aduriz wagaramye mu kirere ayitsinda igitego cy’amateka.

Urugendo rwa FC Barcelona ku kibuga San Mames ntirwabaye ruhire, kuko ku munota wa 37 Luis Suarez ukunze gufasha iyi kipe mu gutsinda ibitego yagize imvune yatumye ava mu kibuga asimburwa na Rafinha.

Atletico Bilbao yari ihagaze neza mu busatirizi ibifashijwemo na rutahizamu Inaki Williams uherutse kuyisinyira amasezerano y’imyaka 9,yakomeje guha akazi gakomeye FC Barcelona kugeza iyitsinze igitego ku munota ubanziriza uwa nyuma.

Umunyabigwi wa Bilbao Aritz Aduriz uri gukina umwaka we wa nyuma muri iyi kipe, yatsinze iki gitego agaramye mu kirere nyuma y’umunota umwe gusa yinjiye mu kibuga asimbuye Williams wari wananiwe.Uyu wari umupira wa mbere yari akozeho.

Lionel Messi ntiyakinnye uyu mukino kubera imvune yoroheje afite gusa yatangiye imyitozo ku giti cye ishobora kumufasha kugaruka vuba.

FC Barcelona yakubise igite cy’izamu inshuro 2 muri uyu mukino,yaherukaga gutsindwa umukino ufungura muri La Liga mu mwaka wa 2008 na Numancia igitego 1-0,ku mukino wa mbere wa Pep Guardiola nk’umutoza wayo.

FC Barcelona yamaze kwemera gutiza Coutinho muri Bayern Munich aho azamara umwaka umwe yakwitwara neza bakamugura.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Minisiteri ya Siporo yakomoreye imwe mu mikino ikinwa abantu bategeranye...

Minisiteri ya Siporo yatangaje ko imwe mu mikino ikinwa abantu bategeranye...
5 June 2020 Yasuwe: 450 0

FERWAFA yatumiye abanyamuryango bayo bose mu nama yo kugabana...

Ishyirahamwe ry’umupira w’amaguru mu Rwanda (FERWAFA), ryandikiye...
4 June 2020 Yasuwe: 1356 0

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1604 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2368 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4759 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3526 0