Kigali
startimes

FERWAFA yahaye igihe ntarengwa Rayon Sports n’andi makipe adafite abatoza bafite ibyangombwa bisabwa

Imyidagaduro   Yanditswe na: Dusingizimana Remy 19 February 2020 Yasuwe: 4642

Ishyirahamwe ry’umupira w’amaguru mu Rwanda,FERWAFA ryamenyesheje amakipe yo mu cyiciro cya mbere adafite abatoza bakuru arimo Rayon Sports ko bagomba kubashaka mu gihe kitarenze ukwezi uhereye kuri uyu wa Gatatu.



Mbere y’uko uyu mwaka w’imikino utangira,FERWAFA yari yategetse amakipe yo mu cyiciro cya mbere ko agomba gutozwa n’abatoza bafite license A cyangwa B ya CAF cyangwa indi itangwa n’izindi mpuzamashyirahamwe y’umupira w’amaguru ku isi, hanyuma mu cyiciro cya kabiri akaba afite licence C.

Nyuma y’uko Komite nyobozi ya FERWAFA isanze hari amakipe yirukanye abatoza bafite ibyangombwa agaterera agati mu ryinyo ntashake abandi ahubwo akihera akazi abungirije badafite ibyangombwa bisabwa,yateranye yemeza ko ikipe yirukanye umutoza igomba gutozwa n’uwungirije mu gihe kitarenze ukwezi,ikaba yashatse undi wemewe.

Ibi FERWAFA yabikoze kubera ko nta gihe ntarengwa cyari cyarashyizwe muri ayo mabwiriza ku mutoza wungirije cyangwa undi wese utujuje ibyangombwa usigaye atoza ikipe.

FERWAFA babwiye amakipe yo mu cyiciro cya mbere adafite abatoza bakuru ko ahawe ukwezi kumwe ko kuba yamaze gushaka abatoza bakuru uhereye kuri uyu wa Gatatu tariki 19 Gashyantare 2020 kuko ariho bahawe amabaruwa.

Amwe mu makipe yo mu cyiciro cya mbere arebwa n’iri tegeko arimo Rayon Sports, Kiyovu SC na Gicumbi FC zatandukanye n’abatoza bakuru , ubu zikaba zitozwa n’abungirije batujuje ibyangombwa.

FERWAFA yabwiye aya amakipe ko ishobora kuzayambura uruhushya igihe bigaragaye ko batubahiriza ibikubiye mu mambwiriza agenga itangwa ry’impushya ku makipe nkuko bikubiye mu gika cya mbere cy’ingingo ya 7 y’ayo mambwiriza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Diego Simeone yatangaje impamvu Real Madrid bari kuyiha penaliti nyinshi...

Umutoza wa Atletico Madrid witwa Diego Simeone yavuze ko ikipe ya Real...
8 July 2020 Yasuwe: 0 0

Rayon Sports yasinyishije bidasubirwaho umunyezamu Kwizera Olivier

Ikipe ya Rayon Sports yemeje noneho ko yasinyishije umunyezamu Kwizera...
7 July 2020 Yasuwe: 1633 0

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 3134 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3413 0

Manace Matatu waguzwe na Rayon Sports yahaye isezerano rikomeye...

Umukinnyi Manace Matatu wasinyiye Rayon Sports amasezerano y’imyaka 3...
6 July 2020 Yasuwe: 3561 0

Gasingwa Michel wari ukuriye komisiyo y’abasifuzi yeguye ku mirimo...

Uwahoze ari umusifuzi mpuzamahanga w’Umunyarwanda,Gasingwa Michel, wari...
6 July 2020 Yasuwe: 1274 0