skol
Kigali
startimes

FERWAFA yahishuye amafaranga azahabwa buri kipe kuri ya nkunga FIFA yatanze

Imyidagaduro   Yanditswe na: Dusingizimana Remy 19 August 2020 Yasuwe: 2283

Kuri uyu wa Gatatu tariki ya 19 Kanama 2020,FERWAFA yagaragaje ingano y’amafaranga izaha amakipe yose kuri ya 1 miliyoni y’amadolari yahawe na FIFA mu rwego rwo gufasha amakipe yazahajwe na COVID-19.


Mu mpera za Kamena 2020 nibwo Impuzamashyirahamwe y’umupira w’amaguru ku isi FIFA yageneye amashyirahamwe y’umupira w’amaguru akiyubaka akayabo ka miliyoni n’igice y’amadorali(1 425 000 000 frw) yo gufasha amakipe atandukanye guhangana n’ingaruka yatewe na Covid-19.

Kubera iyo mpamvu,FERWAFA yafashe umwanzuro wo kugabanya aya mafaranga amakipe yose mu byiciro byose.

Uko amakipe azagabana aya mafaranga:

1. Amakipe yo mu cyiciro cya 1 azahabwa 28,000,000 Rwf buri ikipe
2. Amakipe yo mu cyiciro cya 2, azahabwa 10,000,000 Rwf buri ikipe
3. Amakipe y’abagore azahabwa miliyoni 5 buri kipe yitabira inteko rusange ya FERWAFA ndetse na miliyoni 4 ku makipe ataba mu Nteko rusange.
4.Gutangiza shampiyona ku batarengeje imyaka U-15 mu makipe yo mu kiciro cya mbere byagenewe miliyoni 72,5 FRW
5.Imirimo yo guteza iterambere imikino Miliyoni 50 FRW
6.Gutangiza imikino ya ruhago n’amarushanwa atandukanye:miliyoni 15 FRW
7.Gutegura imikino ku basifuzi: miliyoni 2.5 FRW
8. Ijabo ryawe:Miliyoni 2,5 FRW

9.Abasifuzi n’abakomiseri bazagabana Miliyoni 17 FRW

Aya mafaranga yahawe FERWAFA kugira ngo iyageze ku makipe atandukanye mu Rwanda kugira ngo yiyubake nyuma yo guhungabanywa na Coronavirus.

Aya mafaranga FERWAFA yahawe yaje asanga 475, 000 000 frw baherukaga guhabwa na FIFA muri gahunda yayo izwi nka FIFA Forward.

Aya mafaranga azakoreshwa mu buryo bubiri aho miliyoni y’amadorali izagenda ku bikorwa by’umupira w’amaguru mu bagabo, amakipe n’abakinnyi mu gihe ibihumbi 500 bizagenerwa ruhago y’abagore.

Uyu ukaba ari umwanzuro wavuye mu nama yahuje komite ya FIFA hifashishijwe Video muri Kamena aho yemeje ko agera kuri miliyari ebyiri na miliyoni magana abiri mu madorali ( 2 200 000 000 US $) ari yo agiye gutangwa hirya no hino ku isi mu kuzanzamura ubukungu bwatewe n’icyorezo cya Covid-19.

Aha, buri shyirahamwe rya ruhago rikaba rihabwa agera kuri miliyoni imwe n’igice z’amadorali ( 1 425 000 000frw) aho bashobora no kongerwa agera ku $728,000 ariko yo akazaba ari ayo kugenda muri ruhago y’abagore mu gihe buri mpuzamashyirahamwe yo izahabwa miliyoni ebyiri n’ibihumbi 900.

Aha kandi, buri shyirahamwe rikaba rizaba rifite uburenganzira bwo kwaka inguzanyo iri hagati y’ibihumbi 500 na miliyoni eshanu z’amadorali aho bagomba kutazarenza 30% by’ingengo y’imari yabo. Aya mafaranga uzayasaba akaba azayishyura nta nyungu arengejeho.

FIFA ikaba yarihanije amashyirahamwe ya ruhago ku isi ko yaba iyi nkunga bagenewe ndetse n’amadeni bazafata yose izakurikirana ngo irebe ko yageze ku banyamuryango bayo bose barimo amakipe, abakinnyi, za shampiyona, hamwe n’abandi bagizweho ingaruka za Covid-19.

Aya mafaranga Ferwafa yabonye akaba asanga andi agera kuri miliyoni y’amadorali igenerwa na FIFA muri gahunda ya FIFA Forward aho igice cya kabiri cyayo cyari cyaje mbere y’igihe ngo gifashe mu guhangana n’ingaruka za Covid-19 nubwo byarangiye abanyamuryango nta kintu bungukiyemo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Shampiyona y’umupira w’amaguru mu Rwanda iratangira uyu munsi,Rayon Sports...

Ku ya 13 Ukwakira 2020, Ishyirahamwe ry’Umupira w’Amaguru mu Rwanda (FERWAFA)...
4 December 2020 Yasuwe: 673 0

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 3200 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 542 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1608 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1148 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3450 0