skol
Kigali
startimes

FERWAFA yashyize hanze ingengabihe y’umwaka w’imikino wa 2020/2021 mu byiciro byose

Imyidagaduro   Yanditswe na: Dusingizimana Remy 13 October 2020 Yasuwe: 2427

Shampiyona y’u Rwanda [Rwanda Premier League 2020-21] izatangira tariki ya 04 Ukuboza 2020, mu gihe imikino ya kamarampaka mu cyiciro cya 2 mu bagabo izaba hagati ya tariki 13-21 Ugushyingo 2020 nkuko byatangajwe na FERWAFA.


Nkuko ryari ryabiteguje,Ishyirahamwe ry’umupira w’amaguru mu Rwanda ryashyize hanze ingengabihe y’umwaka w’imikino 2020/2021 aho amakipe yamenye igihe shampiyona izatangirira mu byiciro byose.

FERWAFA yamenyesheje amakipe ko:

Shampiyona y’icyiciro cya 1 mu mwaka wa 2020/2021 mu bagabo izatangira tariki 04/12/2020 -tariki 10/07/2021.

Amakipe y’icyiciro cya Kabiri azakina Kamarampaka [Playoffs] tariki 13-21/11/2020 mu buryo bwo gukuranamo mu mukino umwe.

Shampiyona y’icyiciro cya kabiri 2020/2021 izatangira 19/12/2020

Igikombe cy’intwari kizatangira tariki 25/01/2021 -01/02/2021

Igikombe cy’Amahoro kizatangira 2/03/2021-04/07/2021

Gahunda ya shampiyona y’abagore izatangazwa nyuma

Igice cya mbere cya shampiyona y’u Rwanda kizasozwa kuwa 12/03/2021,igaruke kuwa 02/04/2021.

Mu ntangiriro za Kanama 2020 ni bwo ishyirahamwe ry’umupira w’amaguru mu Rwanda, FERWAFA ryatangaje igihe shampiyona y’icyiciro cya mbere umwaka w’imikino wa 2020-2021 uzatangirira, aho byari biteganyijwe ko izatangira tariki ya 30 Ukwakira 2020.

Gusa mu ntangiriro za Nzeri 2020, FERWAFA yahise yandikira amakipe iyamenyesha ko habayeho impinduka kuri gahunda y’itangira ry’imikino mu Rwanda.

Uyu munsi,FERWAFA yatangaje ko amakipe yo mu cyiciro cya mbere agomba kuba yagejeje mu Bunyamabanga bukuru bwayo imigereka yujuje neza kandi yashyizweho umukono n’abayobozi b’amakipe tariki ya 19 Ukwakira 2020.

Gusura amakipe yasabye impushya zo kwitabira amarushanwa ategurwa na FERWAFA aho bizagaragara ko ari ngombwa n’uguhera tariki ya 16 Ukwakira 2020 kugeza ku itariki ya 26 Ukwakira 2020.Ikipe izasurwa izajya ibimenyeshwa mbere y’iminsi 3.

Mbere y’uko imikino itangira,Amakipe yose asabwa kubahiriza ingamba zitandukanye zo kwirinda Covid-19 zirimo:

Amakipe agomba gupimisha abakinnyi n’aba Staffs mbere y’amasaha 72 bakabona kujya hamwe.

Abakinnyi b’amakipe bagomba kuguma hamwe mbere y’uko shampiyona itangira.

Amarushanwa yajya gutangira bakongera bagapimwa.

Umukinnyi usohotse muri camp agomba kongera gupimwa mbere y’uko asubira muri Group.

Igihe ikipe ihaye ikiruhuko abakozi iyo bagarutse bagomba kongera gupimwa bose.

Nta mufana wemerewe kwinjira muri Stade mbere y’uko aya mabwiriza ahinduka.

Amakipe agomba kwiyishyurira ibirebana no gupimwa ko nta COVID-19 barwaye. FERWAFA Izishyurira abasifuzi gusa.

Kuba muri Hotels kw’abakinnyi n’abatoza babo, bizishyurwa n’amakipe yabo.

Ibi birareba amakipe yose arebwa n’amarushanwa ategurwa na FERWAFA (Icyiciro cya 1,2, Abagore icyiciro cya 1,2 n’igikombe cy’Amahoro).

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

SKOL yagiranye ibiganiro na komite nshya ya Rayon Sports

Kuri uyu wa Kabiri, ubu buyobozi bushya bwa Rayon Sports bwakiriwe...
28 October 2020 Yasuwe: 1248 0

Josep Maria Bartomeu yamaze kwegura ku buyobozi bwa FC Barcelona

Perezida wa FC Barcelona, Josep Maria Bartomeu,yamaze gutanga ubwegure bwe...
27 October 2020 Yasuwe: 1354 0

Mugheni Fabrice wakunzwe n’abafana ba Rayon Sports yerekanwe nk’umukinnyi...

Umukinnyi Kakule Mugheni Fabrice wahoze akina hagati mu kibuga muri Rayon...
27 October 2020 Yasuwe: 990 0

Jose Mourinho yarakariye abakinnyi be kubera ibyo yabasanzemo nyuma...

Umutoza wa Tottenham,Jose Mourinho yarakariye abakinnyi be nyuma y’umukino...
27 October 2020 Yasuwe: 2426 0

Mikel Arteta yatangaje impamvu Arsenal ikomeje gutsindwa umusubirizo

Umutoza Mikel Arteta w’ikipe ya Arsenal yatangaje ko impamvu ikipe ye iri...
27 October 2020 Yasuwe: 2135 0

FC Barcelona yashinje umusifuzi wayisifuriye ku mukino wa El Clasico kuba...

Ikipe ya FC Barcelona yamaze kwandikira ishyirahamwe ry’umupira w’amaguru...
26 October 2020 Yasuwe: 1425 0