skol
Kigali
startimes

FERWAFA yimuye imikino ya Playoffs yo mu cyiciro cya kabiri,Amagaju FC arajurira

Imyidagaduro   Yanditswe na: Dusingizimana Remy 12 November 2020 Yasuwe: 1090

Ishyirahamwe ry’umupira w’amaguru mu Rwanda [FERWAFA] ryatangaje ko imikino ya kamarampaka yo gushaka amakipe 2 agomba kuzamuka mu cyiciro cya mbere yimuriwe kuwa Gatandatu yose uko ari 3 ndetse izakinirwa kuri stade ya Kigali.


FERWAFA yavuze ko iyi mikino yagombaga gutangira kuri uyu wa Gatanu tariki ya 13 Ugushyingo 2020 hashakwa ikipe 2 zizasimbura Heroes FC na Gicumbi FC zamanutse mu cyiciro cya kabiri,yimuriwe kuwa Gatandatu yose ndetse izaba nta bafana bari muri Stade.

Iki cyemezo kije nyuma y’aho Amagaju FC asezerewe muri iyi mikino ashinjwa uburangare yagize abakinnyi bayo 11 bakandura Covid-19.

AMAGAJU FC yandikiye FERWAFA ijuririra ibihano yafatiwe byo kuvanwa mu irushanwa rya Playoffs y’icyiciro cya kabiri mu bagabo kubera ko abakinnyi bayo banduye COVID-19.

Umunyamabanga mukuru w’Amagaju yabwiye FERWAFA ko batishimiye iki cyemezo cyafashwe ku munsi w’ejo kuko ataribo bazanye Covid-19 mu mwiherero w’abakinnyi ndetse avuga ko mu mabwiriza bahawe nta ririmo rivuga ko ikipe igize abakinnyi banduye iki cyorezo izajya ihita isezererwa.

Amagaju yasezerewe mu marushwa ya Play offs y’ikiciro cya kabiri bivuze ko ikipe ya VISION FC bagombaga guhura izakomeza muri 1/2 cy’iyi mikino ya kamarampaka mu gihe ubujurire bwayo bwaba buteshejwe agaciro.

Itangazo FERWAFA yashyize hanze kuri uyu wa Gatatu rigira riti:

Komite Nyobozi ya FERWAFA yateranye ku wa 11/11/2020 aho ku murongo w’ibyigwa hariho ibirebana n’imikino ya Playoffs mu kiciro cya kabiri mu bagabo;
Komite Nyobozi yize ku kibazo cy’Ikipe ya AMAGAJU FC yandikiye FERWAFA isaba ko imikino yayo ya PLAYOFFS yasubikwa kubera abakinnyi bayo 11 basanzwemo COVID-19.

Komite Nyobozi yafashe umwanzuro ukurikira:

Ishingiye ku mabwiriza ya Minisiteri ya Siporo yo muri Nzeri 2020 ashyiraho uburyo bwo gusubukura ibikorwa by’imikino mu Rwanda hirindwa ikwirakwira ry’icyorezo cya COVID 19 mwamenyeshejwe ku wa 29 Nzeri 2020;

Ishingiye ku mabwiriza ya FERWAFA ajyanye no kwirinda ikwirakwira ry’icyorezo cya COVID-19 (FERWAFA Covid-19 return to play guidelines) mwamenyeshejwe ku wa 10 Nzeri 2020 cyane cyane mu ngingo yayo ya II.2 n’iya III.1 zigena ko abakinnyi bemerewe kujya mu mwiherero no gutangira imyitozo ari abapimwe bikagaraga ko nta COVID-19 bafite;

Ishingiye kuri raporo yanyu mwatugejejeho ku wa 07/11/2020 mutumenyesha ibijyanye no kuba hari abakinnyi banyu bapimwe bakabasangamo ubwandu bwa COVID-19 aho muri iyo raporo mwagaragaje ko hari umukinnyi witwa MURINDWA Evariste waje nyuma y’abandi kandi akaba yarahuye n’abandi bakinnyi bari mu mwiherero ibisubizo by’ibipimo bya COVID-19 yafashwe bitarasohoka. Ibi bikaba byaratumye abakinnyi 11 bandura COVID-19;

Imaze gusesengura raporo yanyu igasanga ikipe mubereye umuyobozi yaragize uburangare mu ishyirwa mu bikorwa ry’amabwiriza yo kurwanya ikwirakwira rya COVID-19 yavuzwe haruguru;

Komite Nyobozi ya FERWAFA yafashe umwanzuro ko ikipe ya AMAGAJU FC ihanishijwe kuvanwa mu irushanwa rya Playoffs riteganyijwe gutangira ku wa 13/11/2020. Bityo ikipe byari guhura izahita ikomeza mu kiciro gikurikiyeho.

Kuri iyi Tariki ya 10 Ugushyingo 2020 kandi, Minisiteri ya Siporo yahagaritse umwiherero n’imyitozo y’amakipe ya VISION FC na Alpha FC nyuma y’ubugenzuzi yakoze igasanga aya makipe atubahiriza ingamba zo kwirinda no gukumira icyorezo cya COVID-19 mu bikorwa bya Siporo.

Kugeza ubu hategerejwe umwanzuro uza gufatwa na FERWAFA , kugira ngo bimenyekane niba aya makipe yo atazakurwa mu irushanwa.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Jose Mourinho yahaye impano itangaje umukinnyi we wahagaritse Riyad...

Umutoza wa Tottenham,Jose Mourinho,uzwiho kugira udukoryo twinshi,yahaye...
25 November 2020 Yasuwe: 2787 0

Antoine Griezmann yavuze ikintu yakoze kikababaza Messi

Rutahizamu wa FC Barcelona, Antoine Griezmann,yatangaje ko nta kibazo na...
25 November 2020 Yasuwe: 2182 0

APR FC izabanza kwakira Rayon Sports muri shampiyona [INGENGABIHE]

Hamaze kujya hanze ingengabihe y’uko amakipe azahura mu mikino ibanza ya...
25 November 2020 Yasuwe: 1671 0

Wayne Rooney yahishuye ukuntu yifuje kwerekeza muri FC Barcelona kubera...

Umunyabigwi w’ikipe ya Manchester United n’ikipe y’igihugu y’Ubwongereza,Wayne...
24 November 2020 Yasuwe: 1180 1

Ahmad Ahmad wayoboraga CAF yahagaritswe imyaka 5 kubera ibyaha bikomeye...

Impuzamashyirahamwe y’umupira w’amaguru ku isi FIFA yafatiye ibihano byo...
23 November 2020 Yasuwe: 1046 0

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 966 0