skol
Kigali
startimes

Frank Lampard mu nzira yo kugurisha abakinnyi babiri bakomeye kugira ngo abasimbuze abo ashaka kugura

Imyidagaduro   Yanditswe na: Dusingizimana Remy 10 June 2020 Yasuwe: 2771

Umutoza wa Chelsea, Frank Lampard,aravugwaho gushaka amaraso mashya ariko y’abakinnyi bakiri bato ariyo mpamvu bivugwa ko yifuza kugurisha abasore 2 agenderaho hagati mu kibuga barimo N’Golo Kante na Jorginho kugira ngo abasimbuze Timo Werner na Kai Havertz.


Amakuru atangwa n’ibinyamakuru byo mu Bwongereza aravuga ko umutoza Lampard ashaka kubaka Chelsea y’abakinnyi bakiri bato ariko bafite ubuhanga ariyo mpamvu ashaka kugurisha aba bagabo 2 barimo N’golo Kante na Jorginho.

Nyuma yo kugura Hakim Ziyech wa Ajax na rutahizamu wa RB Leipzig witwa Timo Werner bivugwa ko yaguze miliyoni 53 z’amapawundi.

Amakuru aravuga ko Chelsea ishaka kwigwizaho abakinnyi bakiri bato bari kuzamuka neza by’umwihariko uwitwa Kai Havertz.

Ikinyamakuru The Sun kivuga ko Chelsea yiyemeje ko umukinnyi wese yinjije mu ikipe hagomba kugira undi ugurishwa ariyo mpamvu uyu Kante na Jorginho nabo bashobora kugurishwa.

Frank Lampard yemerewe Miliyoni zirenga 100 z’amapawundi zo kongera imbaraga mu ikipe nyuma y’aho impeshyi ishize atagize umukinnyi n’umwe agura kubera ibihano ikipe yafatiwe na FIFA.

Mu rwego rwo kwirinda ibihano,Chelsea igiye kujya igura umukinnyi uhenze nirangiza igurishe undi kugira ngo hataza kubaho ibihano bya Financial Fair Play.

Jorginho arifuzwa n’umutoza bazamukanye Maurizio Sarri wa Juventus mu gihe N’golo Kante we bikiri ibanga cyane ko amaze n’igihe kinini mu mvune.

Amakuru avuga kandi ko Lampard ashaka guha umwanya uhagije abakiri bato barimo Billy Gilmour na Ruben Loftus-Cheek ariyo mpamvu yabangukirwa no kurekura bariya bakinnyi 2 bo hagati.

Chelsea irashaka kugura kabuhariwe wa Bayer Leverkusen witwa Kai Havertz kugira ngo imusimbuze Willian na Pedro izarekura nyuma y’uyu mwaka w’imikino.

Amakuru aravuga ko kubera ko uyu musore w’imyaka 20 yifuzwa n’amakipe menshi,igiciro cye ari miliyoni 75 z’amapawundi ariyo mpamvu Chelsea ishobora kugurisha Kante na Jorginho kugira ngo ibone ayo mapawundi.



Lampard ashobora kugurisha Jorginho na Kante kugira ngo abone amafaranga yo kugura Havertz

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisiteri ya siporo yavuze aho ikibazo cya Rayon Sports kigeze n’igihe...

Minisitiri wa Siporo,Munyangaju Aurore Mimosa, yatangaje ko imyitozo...
18 September 2020 Yasuwe: 1350 0

Tuyisenge Jacques yerekanwe ku mugaragaro nk’umukinnyi mushya wa APR FC...

Ikipe ya APR FC yatangaje ku mugaragaro ko yamaze gusinyisha rutahizamu...
18 September 2020 Yasuwe: 832 0

Quique Setien wahoze atoza FC Barcelona agiye kuyijyana mu nkiko

Uwari umutoza wa FC Barcelona mu mwaka w’imikino ushize, Quique Setien...
18 September 2020 Yasuwe: 432 0

Messi na Cristiano Ronaldo bananiwe kwinjira mu rutonde rw’abakinnyi

Ba kizigenza Lionel Messi na Cristiano Ronaldo ku nshuro ya mbere mu myaka...
17 September 2020 Yasuwe: 2463 0

Ifoto ya Lionel Messi ari kwihanagurira inkweto yaciye ibintu

Kizigenza Lionel Messi uherutse gufata umwanzuro wo kuguma muri FC...
17 September 2020 Yasuwe: 3563 0

Bayisenge Emery yabonye ibyangombwa bimwemerera gukinira ikipe ya AS...

Myugariro w’Ikipe y’Igihugu ‘Amavubi’, Emery Bayisenge yamaze kubona...
17 September 2020 Yasuwe: 969 0