Kigali
startimes

Granit Xhaka yakoze igikorwa kigayitse gishobora kumwambura ubukapiteni nyuma yo gusimbuzwa n’umutoza Emery

Imyidagaduro   Yanditswe na: Dusingizimana Remy 28 October 2019 Yasuwe: 3540

Kapiteni w’ikipe ya Arsenal,Granit Xhaka ashobora kwamburwa ubuyobozi muri iyi kipe nyuma yo gusimbuzwa n’umutoza kuri iki cyumweru,abafana bamuvugiriza induru akabatuka ku babyeyi babo.



Uyu kapiteni wakemanzwe na benshi kubera urwego rwe rwo hasi,yagaragaje ko ataragera ku rwego rwo kuyobora ikipe nkuru nka Arsenal ubwo bamusimbuzaga ku munota wa 61 w’umukino,abafana bamuvugiriza induru nawe akabatuka aho kubima amatwi.

Nyuma y’umukino,umutoza Unai Emery yabajijwe niba uyu mugabo ashobora kwamburwa ubukapiteni avuga ko we n’ubuyobozi bwe bagiye kubyigaho bakazafata umwanzuro.

Yagize ati “Uyu si umwanya mwiza wo kubivugaho gusa turaza kuganira nawe n’ikipe.Dukwiriye gutuza ariko mu by’ukuri yakoze igikorwa kibi.Turi hano kubera ko dufite abafana.Nibo dukorera,dukwiriye kububaha igihe bari kuduha amashyi n’igihe bari kutunenga.Turaza kuganira n’abakinnyi ndetse n’ikipe kuri iki kibazo.

Uyu Musuwisi uri ku rwego rwo hasi cyane ntiyorohewe n’abafana ba Arsenal bamuvugirije induru,abandi bamwereka ibimenyetso byo kumutuka aho kubyihanganira nk’umunyamwuga arabatuka mu cyongereza ngo “’f*** off”.

Benshi banenze umutoza Emery kubera umwanzuro wo kugira kapiteni uyu Xhaka kuko niwe mukinnyi wari hasi cyane ubwo hafatwaga iki cyemezo ndetse abafana bamwe bavuze ko yagombaga kugurishwa aho kugirwa kapiteni.

Xhaka akimara gusimbuzwa yahise akuramo umupira we n’umujinya mwinshi ahita yerekeza mu rwambariro abafana bamumereye nabi.

Icyakora uyu mutoza ntiyigeze anenga abafana ba Arsenal kubera ko bavugirije induru Xhaka ahubwo yavuze ko we nk’umukinnyi yagombaga kwirengagiza ubu butumwa bamuhaga ubwo yasimbuzwaga uwitwa Saka nawe utagize icyo afasha Arsenal yaraye inganyirije ku kibuga cyayo na Crystal Palace ibitego 2-2.

Ku rundi ruhande,rutahizamu Alexandre Lacazette yakanze like ku butumwa bw’umufana wa Arsenal wifuza ko umutoza Unai Emery na Xhaka bava mu ikipe ya Arsenal.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Zidane yatuye umujinya abanyamakuru bamubajije ku mubano we na...

Umutoza Zinedine Zidane yarakariye abanyamakuru bamubajije ku mubano we na...
16 July 2020 Yasuwe: 265 0

Marcus Rashford agiye guhabwa impamyabumenyi y’ikirenga kubera kurwanira...

Rutahizamu Marcus Rashford w’ikipe ya Manchester United agiye kuba umuntu wa...
16 July 2020 Yasuwe: 326 0

Munyakazi Sadate yongeye kuregwa na bamwe mu banyamuryango ba Rayon...

Bamwe mu banyamuryango ba Rayon Sports bandikiye FERWAFA barega Munyakazi...
16 July 2020 Yasuwe: 1454 0

FIFA yatangaje gahunda y’igikombe cy’isi 2022 kizaba mu mpera z’umwaka...

Ishyirahamwe ry’umupira w’amaguru ku isi FIFA ryatangaje ko igikombe cy’isi...
15 July 2020 Yasuwe: 952 0

Mesut Ozil yanyomoje umutoza Arteta wamuhimbiye uburwayi adafite

Kuva shampiyona y’Ubwongereza yasubukurwa nyuma ya Guma mu rugo,ntabwo Mesut...
15 July 2020 Yasuwe: 1498 0

Amb.Joe Habineza wabaye Minisitiri w’Umuco na Siporo agiye kwinjira mu...

Uwahoze ari Minisitiri w’Umuco na siporo anaba Ambasaderi w’u Rwanda muri...
15 July 2020 Yasuwe: 2236 0