skol
Kigali
startimes

Hamenyekanye ikibazo gishobora gutuma Lionel Messi ava muri FC Barcelona mu kwezi kwa Mbere

Imyidagaduro   Yanditswe na: Dusingizimana Remy 8 October 2020 Yasuwe: 4216

Kizigenza Lionel Messi ukinira FC Barcelona akaba ari na kapiteni wayo,ashobora kuva muri iyi kipe mbere y’uko amasezerano ye arangira kubera ko iyi kipe igiye gusaba abakinnyi bayo kugabanya umushahara.


Ibinyamakuru bitandukanye byemeje ko Messi ashobora kongera guhatiriza kuva muri FC Barcelona mu kwezi kwa Mbere 2021 kubera ko ngo iyi kipe ifite ikibazo cy’amikoro ndetse yitegura gusaba abakinnyi bayo kugabanya umushahara.

Mu minsi yashize,FC Barcelona yagabanyirije abakinnyi umushahara ku kigero cya 70 ku ijana gusa hari amakuru yari yatangajwe ko byateye umwuka mubi mu ikipe.

Messi yarakajwe cyane n’ukuntu ubuyobozi bwa FC Barcelona busigaye bwitwara aho mu minsi ishize bwirukanye bujugunye rutahizamu Luis Suarez yerekeza muri Atletico Madrid.

Ikinyamakuru Marca kivuga ko Messi ashobora gusaba ko yarekurwa kubera ubukungu bwifashe nabi mu ikipe aho abanyamuryango batoye ko hatangira ibiganiro n’abakozi batandukanye barimo n’abakinnyi ku ngingo ijyanye no kugabanya umushahara.

Mu mezi 2 ashize nibwo Messi yavuzwe cyane mu binyamakuru ubwo yavugaga ko ashaka kuva muri FC Barcelona ku buntu ariko agongwa nuko agifite amasezerano y’umwaka umwe ndetse yemeza ko umukeneye agomba kwishyura miliyoni 700 z’amayero.

Kuwa 04 Nzeri 2020,nibwo Lionel Messi yemeje ko atakivuye muri iyi kipe ndetse azayikinira mu mwaka w’imikino 2020/2021, yivuguruza ku cyemezo yari amaze iminsi 10 afashe cyo gusaba kwigendera.

Messi yagize ati “Ngiye kuguma mu ikipe kubera ko perezida yambwiye ko impamvu imwe yatuma ngenda ari uko hakwishyurwa miliyoni 700 z’amayero ziri mu masezerano,kandi ibyo ntibyashoboka."

Messi yavuze ko impamvu imwe yatuma asohoka muri FC Barcelona ari ukwitabaza inkiko kandi ibyo atabikora kubera ko ayikunda ndetse yamuhaye byose.

Ati " Hari indi nzira imwe,kwitabaza inkiko.Ntabwo najya mu nkiko guhangana na Barcelona kuko n’ikipe nkunda,yampaye byose kuva umunsi wa mbere nyigeramo.N’ikipe y’ubuzima bwanjye yampaye ubuzima.

Barca yampaye buri kintu kandi nanjye nayihaye buri kintu.Ndabizi ko ntayijyana mu nkiko."

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FERWAFA yimye Sunrise FC uruhushya rwo gukina amarushanwa yayo kubera stade...

Ishyirahamwe ry’umupira w’amaguru mu Rwanda [FERWAFA] ryatangaje ko mu makipe...
26 November 2020 Yasuwe: 1956 0

Mu mafoto,Iyibutse bimwe mu byaranze ubuzima bwa Diego Maradona wabaye...

Kuvuga ko yari anogeye ijisho kumureba arimo akina, ntabwo bisobanura neza...
26 November 2020 Yasuwe: 2036 0

KNC yatanze ikirego muri RIB asaba ko bagomba guhana uwamuharabitse...

Umuyobozi Mukuru w’Ikipe ya Gasogi United, Kakoza Nkuriza Charles wamamaye...
26 November 2020 Yasuwe: 3413 0

Ndahari 100% ku mukino wa Gor Mahia-Jacques Tuyisenge

Rutahizamu wa APR FC n’ikipe y’igihugu Amavubi, Tuyisenge Jacques yatangaje...
26 November 2020 Yasuwe: 911 0

Diego Maradona wakoze amateka muri ruhago yahitanwe n’umutima

Umunyabigwi Diego Armando Maradona wakoze amateka adasanzwe mu mupira...
25 November 2020 Yasuwe: 1849 0

Jose Mourinho yahaye impano itangaje umukinnyi we wahagaritse Riyad...

Umutoza wa Tottenham,Jose Mourinho,uzwiho kugira udukoryo twinshi,yahaye...
25 November 2020 Yasuwe: 3961 0