skol
Kigali
startimes

Hamenyekanye umuntu watumye Paul Pogba yongera kuba umukinnyi ukomeye

Imyidagaduro   Yanditswe na: Dusingizimana Remy 22 January 2021 Yasuwe: 6625

Hari hashize igihe kinini abakunzi ba Manchester United banenga imikinire ya Paul Pogba yari ku rwego rwo hasi ariko nyuma y’uko Darren Fletcher wahoze akinira iyi kipe agizwe undi mutoza wungirije Solskjaer,uyu mukinnyi wo hagati yazamuye urwego rwe.


Ubu ibyishimo ni byose kuri Manchester United bench ikomeje kuba iya mbere muri Premier League nyuma y’aho Paul Pogba ayifashije gutsinda Fulham.

United ikomeje kwitwara neza muri Premier League ariko ibinyamakuru byo mu Bwongereza biratangaza ko kuza kwa Darren Fletcher wakiniye iyi kipe mu gihe cya Sir Alex Ferguson biri mu biri kuyifasha.

Uyu Darren Fletcher yamaze imyaka 10 akorana na Sir Alex Ferguson ndetse yari umwe mu bakinnyi yizeraga cyane ariyo mpamvu United yamwitabaje mu minsi ishize.

Uyu mutoza uri mu bungirije Solskjaer yazanwe mu ikipe ya mbere kugira ngo atange umusanzu we mu kuzamura abakinnyi b’iyi kipe barimo na Paul Pogba wari warasubiye inyuma.

Iki cyizere yakigiriwe nyuma y’amezi 3 yari amaze atoza amakipe y’abato ya United.

Kuva yagera mu ikipe nkuru, Darren Fletcher yahawe akazi ko kuzamura urwego rw’abakinnyi bo hagati ahereye kuri Pogba ariyo mpamvu uyu Mufaransa akomeje guhesha amanota iyi kipe y’ubukombe ku isi.

Pogba aheruka gutsinda ibitego 2 byahesheje intsinzi United birimo icyo yatsinze Bunley n’icyo yatsinze Fulham muri iki cyumweru.

Fletcher amaze kongerera Pogba ubumenyi ku bijyanye no gukina yugarira cyane ko muri iki gihe ari umwe mu bakinnyi bari kugarura imipira itakajwe ndetse anakomeza ubuhanga asanzwe afite bwo gutanga imipira.

Mu mikino 5 United imaze gukina iri kumwe na Fletcher,3 ntiyinjijwe igitego mu gihe muri iyo mikino yose imaze kwinjizwa ibitego 3.

Fletcher yavuye muri United muri 2015 akinira imyaka 2 West Brom, mbere y’uko yerekeza muri Stoke hanyuma aza gusezera muri 2019 afite imyaka 35.

Mu minsi ishize, Solskjaer w’imyaka 47,yashimye Fletcher ati “Darren afite amaraso ya United [DNA] amutemba mu mitsi anazi neza icyo bisaba kugira ngo umuntu akinire United.

Ari gutangira akazi k’ubutoza kandi ubunararibonye bwe mu kibuga no hanze yacyo byiyongereyeho ubushake bwe bwo gutsinda no gukora cyane,n’inyongera nziza mu ikipe.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amavubi yatangiye imyitozo yo kwitegura Mozambique na Cameroon mu mvura...

Abakinnyi b’Amavubi batangiye imyitozo kuri uyu wa Mbere tariki ya 08...
8 March 2021 Yasuwe: 2799 0

Joan Laporta wiyemeje gusinyisha Messi yatorewe kuyobora FC...

Umugabo witwa Joan Laporta,niwe watsinze amatora yo kuyobora ikipe ya FC...
8 March 2021 Yasuwe: 2973 0

Manchester United yahagaritse umuvuduko wa City,Liverpool ikomeza kujya...

Ikipe ya Manchester United yatunguye benshi mu bakunzi ba ruhago ubwo...
7 March 2021 Yasuwe: 3968 0

Amavubi yamaze kwerekeza I Nyamata mu myiteguro yo gushaka itike ya CAN...

Nyuma y’aho umutoza Mashami Vincent ahamagaye abakinnyi 31 bagomba gufasha...
7 March 2021 Yasuwe: 3415 0

Lionel Messi yatoye Perezida wa FC Barcelona ku nshuro ye ya...

Benshi baracyibaza icyihishe inyuma yo kuba umunyabigwi akaba na kapiteni...
7 March 2021 Yasuwe: 4569 0

Igikombe cya CECAFA Rayon Sports yatwaye mu 1998 cyabonetse i...

Ni kenshi abafana ba Rayon Sports bakunda guhiga ubutwari aba APR FC ko...
7 March 2021 Yasuwe: 4958 0