skol
Kigali
startimes

Iker Casillas yahishuye impamvu itangaje ituma yemeza ko Cristiano Ronaldo ari umuhanga cyane kurusha Messi

Imyidagaduro   Yanditswe na: Dusingizimana Remy 10 October 2020 Yasuwe: 7865

Umunyezamu w’umunyabigwi mu mupira w’amaguru, Iker Casillas,wamamaye mu ikipe ya Real Madrid no muri Espagne yatangaje ko kuri we Cristiano Ronaldo arusha ubuhanga Messi ari uko Imana yahaye impano Lionel Messi ariko uyu munya Portugal akaba yarahanganye nawe kandi we ari umukinnyi usanzwe.


Iker Casillas uherutse gutangaza ko asezeye ku mupira w’amaguru nyuma yo kugira ibibazo by’umutima,yavuze ko buri wese abizi ko Messi afite impano itangaje ariko kuba Cristiano Ronaldo yarahanganye nawe kubera gukora cyane bimugira umuhanga kumurusha.

Impaka ku mukinnyi w’umuhanga kurusha undi hagati ya Messi ntizijya zishira ariko benshi mu bakunzi ba ruhago babivuga uko babyumva nkuko na Casillas yabigenje.

Aganira na ESPN,Iker Casillas yagize ati “Cristiano yahoranye ishyaka ryo kuba uwa mbere ku isi,kuva akiri umwana yarabihoranye kandi ndizera ko yabigezeho.

Ngiye kumugereranya na Messi,navuga ko yakoze ibidasanzwe kuko twese tuzi impano Messi afite,ariko Cristiano Ronaldo yarakoze cyane kugira ngo abe kizigenza.

Numva ko twagize amahirwe yo kureba aba bakinnyi babiri b’ibitangaza.Abantu batazi Cristiano bakunda kumunenga no kuvuga ibyo bashaka ariko atandukanye n’ibyo batekereza.

Ronaldo na Messi bamaze imyaka irenga 10 bayoboye isi kuko bafite Ballon d’Or 11 hagati yabo [Messi 6,Ronaldo 5] ndetse ibikombe bahesheje amakipe yabo n’ibitego batsinze n’akayabo.

Uyu mwaka wabaye mubi cyane kuri bo kuko babuze mu bihembo bitangwa ndetse ntibashoboye guha igitinyiro amakipe bakinira nk’ibisanzwe.

Casillas w’imyaka 39, yageze muri Real Madrid afite imyaka icyenda ndetse ni we munyezamu mwiza wayibayemo mu myaka 118 imaze.

Casillas yakinnye imikino 725 mu myaka 16 yabaye muri Real Madrid, ayifasha kwegukana ibikombe bitatu bya UEFA Champions League na bitanu bya Shampiyona y’Icyiciro cya Mbere muri Espagne, La Liga.

Yafashije kandi Espagne kwegukana Igikombe cy’Isi cya 2010 cyabereye muri Afurika y’Epfo n’Igikombe cy’u Burayi inshuro ebyiri zikurikiranya mu 2008 na 2012.

Mu mikino 156 Casillas yakiniye FC Porto, yayifashije kwegukana ibikombe bibiri bya Shampiyona ya Portugal n’Igikombe kimwe cy’Igihugu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Emmanuel

    Ibyo iker yavuze , sinemerany nawe kuko biragoy gutandunya ibibihangang Bose nabahanga pe

    3 months ago

Inzindi nkuru

Bruno Fernandes yahishuye ikintu gikomeye Manchester United itazemerera...

Umukinnyi Bruno Fernandes wazamuye urwego rw’ikipe ya Manchester United kuva...
16 January 2021 Yasuwe: 3318 0

Arsenal na Mesut Ozil bumvikanye ku kintu gikomeye

Amakuru aturuka mu Bwongereza aravuga ko Arsenal yamaze kumvikana...
16 January 2021 Yasuwe: 4038 0

Mohamed Salah yahishuye umukinnyi wa Liverpool watumye arira kubera...

Rutahizamu Mohamed Salah ukinira Liverpool yatangaje ko kuva yagera muri...
16 January 2021 Yasuwe: 4025 0

Cristiano Ronaldo yaciye amarenga y’undi mwuga yashobora mu mashusho...

Rutahizamu Cristiano umaze imyaka isaga 15 ari hejuru mu mupira w’amaguru...
16 January 2021 Yasuwe: 4072 0

Umugore wa Lionel Messi yinjiye mu mukino w’iteramakofe [AMAFOTO]

Umugore wa Lionel Messi witwa Antonela Roccuzzo yashyize hanze amashusho...
16 January 2021 Yasuwe: 4128 0

Wayne Rooney wubatse izina mu Bwongereza yagizwe umutoza mukuru wa Derby...

Umwongereza Wayne Rooney wamamaye mu mupira w’amaguru akinira ikipe ya...
15 January 2021 Yasuwe: 4280 0