skol
Kigali
startimes

Iker Casillas yasezeye ku mupira w’amaguru yubatsemo amateka atazibagirana

Imyidagaduro   Yanditswe na: Dusingizimana Remy 4 August 2020 Yasuwe: 1079

Umunyezamu w’umunyabigwi,Iker Casillas Fernández wakoze amateka mu ikipe ya Real Madrid n’igihugu cya Espagne yasezeye mu mupira w’amaguru afite imyaka 39.


Uyu munyezamu wakoze amateka akomeye mu mupira w’amaguru yageze mu ikipe ya Real Madrid ku myaka 09 ahita atangira gutegurirwa kuzavamo umunyezamu ukomeye.

Uyu munyezamu yamaze imyaka 25 mu ikipe ya Real Madrid ndetse yanayibereye kapiteni n’ikirango gikomeye kiyubahisha aho anyuze hose.

Mu itangazo ikipe ya Real Madrid yashyize hanze,yavuze ko umwe mu bakinnyi beza cyane yagize mu myaka 118,Iker Casillas yasezeye ku mupira w’amaguru ndetse ari umunyezamu bazahora bubaha ndetse bagaha agaciro cyane kubera icyubahiro ikipe yagize biturutse ku kazi gakomeye yakoze n’imyitwarire ye myiza mu kibuga no hanze yacyo.

Casillas yakinnye imikino 725 mu ikipe ya mbere ya Real Madrid yakinnyemo imyaka 16,atwara ibikombe 19 birimo:

x3 UEFA Champions League
x3 Club World Cups
x2 European Super Cups,2,
x5 La Liga 5,
x2 Copa del Rey
x4 Spanish Super Cups.

Muri FC Porto, yatwaye shampiyona ebyiri igikombe cy’igihugu kimwe na Supercup imwe. Muri Espagne yahamagawe inshuro 167 atwara igikombe cy’isi cya 2010 hamwe n’ ibikombe bibiri bihuza amakipe y’ibihugu ku mugabane w’i Burayi "Euro" mu mwaka wa 2008 na 2012.

Casillas yinjiye muri Porto mu 2015 ariko kuva mu kwa kane 2019 ntiyashoboye kongera gukina kubera indwara y’umutima yamufashe ari mu myitozo.

Amaze gukira yahawe akazi ko kuba mu batoza b’iyi kipe muri Nyakanga 2019.

Abinyujije ku rubuga rwe rwa Twitter, Casillas yanditse ati: "Ikintu cy’ingenzi n’ inzira unyuramo n’abantu baguherekeza, ntabwo ari iyo ujya.

"Ndatekereza ko nshobora kuvuga ndashidikanya ko ari yo nzira kandi igeza ku cyerekezo."

Ku rubuga rwayo, Real Madrid yagize iti: "Real Madrid irashaka gushimira, no kwerekana ko ikunda umwe mu bihangange byayo ndetse n’umupira w’amaguru kw’ isi.

Iker Casillas ni inkoramutima ya Real Madrid kandi bizahoraho imyaka n’imyaka ".


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza wa Rayon sports yasabye komite kumugurira abakinnyi 3...

Umutoza wa Rayon Sports,Guy Bukasa,yasabye komite y’agateganyo ya Rayon...
26 September 2020 Yasuwe: 1516 0

Jurgen Klopp yatangaje umwihariko Arteta yazanye muri Arsenal watumye...

Umutoza wa Liverpool,Jurgen Klopp yatangaje ko umutoza wa Arsenal,Mikel...
25 September 2020 Yasuwe: 2507 0

Ibaruwa ya RGB yahaye ibyishimo abashyigikiye ko Mvukiyehe Juvenal ayobora...

Urwego rw’igihugu rw’imiyoborere [RGB] rwagiriye inama Kiyovu Sports ko...
25 September 2020 Yasuwe: 2858 0

Messi yibasiye bikomeye abayobozi ba FC Barcelona mu butumwa yatanze...

Kapiteni wa FC Barcelona,Lionel Messi yasezeye kuri mugenzi we bakinanaga...
25 September 2020 Yasuwe: 3043 0

Aubameyang yahishuye impamvu ikomeye yatumye yanga kujya FC Barcelona...

Rutahizamu akaba na kapiteni wa Arsenal, Pierre-Emerick Aubameyang...
25 September 2020 Yasuwe: 1609 0

Mario Balotelli yambitse impeta y’umubano umukobwa bamaranye ukwezi kumwe...

Rutahizamu Mario Balotelli yasabye umukobwa witwa Alessia Messina ko...
25 September 2020 Yasuwe: 3138 0