Kigali

Ikintu cyatumye Cristiano Ronaldo asiba ibirori bya FIFA The best cyasekeje benshi

Imyidagaduro   Yanditswe na: Dusingizimana Remy 24 September 2019 Yasuwe: 5025

Rutahizamu wa Juventus,Cristiano Ronaldo,yatunguye benshi kubera impamvu yatumye asiba ibirori bya FIFA The Best Awards,aho nyuma y’iminota 10 ibi birori birangiye yashyize hanze ifoto ari kwisomera igitabo mu gihe umuhungu we nawe yarimo asubira mu masomo.



Biravugwa ko Cristiano Ronaldo yasibye ibi birori kugira ngo yisomere iki gitabo ndetse aruhuke, cyane ko ngo ashobora kuba afite umunaniro yatewe n’icyumweru gishize cya UEFA Champions League bakinnyemo na Atletico Madrid hanyuma bakanakina na Verona muri Serie A.

Nkuko Ronaldo yabigaragaje ku rukuta rwe rwa Instagram,Messi yishimiye gutwara The Best 2019 we ari kwisomera igitabo yari yatoranyije ndetse nyuma ahita yandika ubutumwa bwateye benshi rurjijo.

Nyuma yo gutsindwa,Cristiano Ronaldo wanze kwitabira uyu muhango waraye ubereye I Milan mu Butaliyani yanditse ku rukuta rwe rwa Instagram ati “Kwihangana no gukomeza guhatana nibyo bintu bibiri bitandukanya uwabigize umwuga n’utari we [amateur].Ikintu cyose kinini ubu cyabanje kuba gito.Ntushobora gukora ibintu byose ariko kora ibyo ushoboye byose kugira ngo inzozi zawe zibe impamo kandi wibuke ko nyuma y’ijoro,umuseke utambika.”

Lionel Messi yatwaye FIFA The Best mu bagabo ku majwi 46 y’abatoye,arusha 8 Virgil Van Dijk bari bahanganye waje ku mwanya wa 2 mu gihe Cristiano Ronaldo waje ku mwanya wa 3 we yagize amajwi 36.


Cristiano Ronaldo yasibye ibirori bya FIFA yari ahatanyemo kubera igitabo yashakaga gusoma

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza FC Barcelona yateje urujijo kubera ibyo yavuze ku gusezera umupira...

Umutoza wa FC Barcelona, Ernesto Valverde yabwiye abanyamakuru ko abakunzi...
7 December 2019 Yasuwe: 1192 0

Chelsea yakuriweho ibihano byo kugura abakinnyi yiyemeje gushora akayabo...

Ikipe ya Chelsea FC yaraye igabanyirijwe ibihano yemererwa kugura abakinnyi...
7 December 2019 Yasuwe: 755 0

Bayingana wayoboraga FERWACY na komite ye yose beguye ku mirimo...

Amakuru agera ku Umuryango n’uko ,mu ijoro ryo kuri uyu wa 6 Ukuboza 2019,...
7 December 2019 Yasuwe: 1919 0

Sugira Ernest yitangiye umuryango we aburizamo itezwa cyamunara ry’inzu ya...

Umukinnyi ukina nka rutahizamu mu ikipe ya APR FC ndetse no mu ikipe...
7 December 2019 Yasuwe: 3511 0

Ikipe ya Chelsea yari imaze iminsi mu bihano yongeye gukomorerwa kugura...

Ikipe ya Chelsea ubu yemerewe gusinyisha abakinnyi bashya muri Mutarama...
7 December 2019 Yasuwe: 656 0

Zlatan Ibrahimovic yongeye kwibasira Cristiano Ronaldo bagiye guhanganira...

Rutahizamu Zlatan Ibrahimovic ukunze kuvuga amagambo atuma benshi...
6 December 2019 Yasuwe: 2958 0