skol
Kigali
startimes

Ikipe Messi ashaka kwerekezamo yamaze kumenyekana

Imyidagaduro   Yanditswe na: Dusingizimana Remy 26 August 2020 Yasuwe: 7213

Rutahizamu akaba na kapiteni wa FC Barcelona,Lionel Messi,ari mu nzira zo guhindura icyerekezo cyo kuva muri Espagne akerekeza mu Bwongereza aho nta gihindutse ashobobora gusinyira ikipe ya Manchester City y’umutoza w’inshuti ye Pep Guardiola.


Ku munsi w’ejo nibwo byamenyekanye ko Lionel Messi yabwiye ubuyobozi bw’ikipe ya FC Barcelona ko ashaka kuyivamo akerekeza ahandi kandi ngo arifuza ko ingingo yo kugendera Ubuntu yakurikizwa nkuko byari mu masezerano aheruka.

Umunyamakuru witwa Marcelo Bechler w’ikinyamakuru Esporte Interativo wamenyekanye cyane ubwo yashimangiraga ko Neymar Jr yamaze kwerekeza muri PSG bikaba,yavuze ko Lionel Messi yamaze kumvikana na Manchester City,igisigaye ari ukubishyira ku mugaragaro.

Umutoza Pep Guardiola wa City yabwiye abanyamakuru ko yifuza Messi ariko inama yamugira ari uko yaguma mu ikipe ya FC Barcelona yamuzamuye.

Bamwe mu bahoze bayobora FC Barcelona n’abari kwiyamamaza bari Joan Laporta yasabye ko perezida w’ikipe Josep Maria Bartomeu yegura akava mu ikipe kugira ngo Messi yisubireho agume mu ikipe cyane ko bamaze igihe batumvikana kubera kutubaka ikipe ikomeye.

Ikipe ya FC Barcelona yemereye The Associated Press ko uyu mukinnyi yamaze kubandikira urwandiko abamenyesha ko ashaka kwigendera byatumye ihita ikora inama y’igitaraganya yiga ku kibazo cye.

Nyuma y’aho FC Barcelona inyagiwe na Bayern Munich ibitego 8-2 mu mukino wa ¼ cya UEFA Champions League,Messi yatahanye umujinya ukomeye byatumye afata umwanzuro ko atazongera gukinira FC Barcelona.

Ubuyobozi bwa FC Barcelona bwasubije Messi ko bwifuza ko yaguma mu ikipe yabyanga bagahangana nawe mu mategeko cyane ko abafitiye amasezerano y’umwaka umwe bitashoboka ko agendera Ubuntu.

Kizigenza Lionel Messi amaze imyaka 16 muri FC Barcelona aho amaze kuyitsindira ibitego 634 mu mikino 731 amaze kuyikinira.

Messi yatwariye Ballon d’or 6 muri iyi kipe ndetse ayitwaramo n’ibikombe byinshi cyane birimo LA LIGA 10 na Champions League 4.

Abafana ba FC Barcelona baraye bakoze imyigaragambyo hanze y’ikibuga Camp Nou basaba ko Messi yaguma mu ikipe hanyuma perezida Bartomeu akeguzwa kuko ngo ariwe watumye uyu kapiteni abihirwa akifuza kwigendera.

Aba bafana bumvikanye bavuza induru ngo "Bartomeu, dimissió," bisobanura ngo Bartomeu yeguzwe.Aba bafana basabaga ko Messi aguma mu ikipe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble janvier

    naze turamutegereje etihad
    naze asimbure igifaru auguero wibasiwe nimvune

    3 months ago

Inzindi nkuru

Shampiyona y’umupira w’amaguru mu Rwanda iratangira uyu munsi,Rayon Sports...

Ku ya 13 Ukwakira 2020, Ishyirahamwe ry’Umupira w’Amaguru mu Rwanda (FERWAFA)...
4 December 2020 Yasuwe: 673 0

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 3200 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 542 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1608 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1148 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3450 0