skol
Kigali
startimes

Ikipe ya APR FC yanyomoje ibyo gusuzugura Amavubi

Imyidagaduro   Yanditswe na: Martin Munezero 29 October 2020 Yasuwe: 1450

Ikipe ya APR FC n’umuyobozi wungirije wayo, Maj. Gen Mubarakah Muganga bamenyesheje Ikipe y’igihugu ’Amavubi’ ko abakinnyi bayo 11 yahamagaye bazaboneka ku wa 2 Ugushyingo barangije kuzuza gahunda y’imyitozo, bityo banyomoza abayishinje gusuzugura Amavubi.


Tariki ya 7 Ukwakira ni bwo Mashami Vincent utoza ’Amavubi’ na bagenzi be, bahamagaye abakinnyi 37 bagomba kwitegura imikino ibiri yo mu itsinda F Amavubi azahuramo na Cap-Vert bashaka itike y’igikombe cya Afurika kizabera muri Cameroun mu 2022.

Amavubi yatangiye umwiherero tariki ya 09 Ukwakira, ariko adafite abakinnyi 11 ba APR FC bari bahamagawe ndetse n’abakina hanze y’u Rwanda nk’ababigize umwuga.

APR FC yari yatangiye imyitozo tariki ya 3 Ukwakira yitegura umwaka utaha w’imikino, bituma ihitamo kudatanga abakinnyi bayo mu kipe y’igihugu.

APR FC ibinyujije ku rubuga rwayo yavuze ko abakinnyi bayo bagomba kubanza kuzuza gahunda y’imyitozo, mbere yo kwitabira ubutumire bw’ikipe y’Igihugu ku wa 2 Ugushyingo, habura iminsi icyenda ngo ikine na Cap Vert umukino ubanza uzabera i Praia.

Kuba APR FC yanze kurekura abakinnyi bayo ngo bajye mu kipe y’Igihugu hari ababifashe nko kwerekana ko iri hejuru y’Amavubi, gusa yo yasobanuye ko itegeko rya FIFA riyiha uburenganzira bwo kuba igumanye abakinnyi bayo.

Itegeko rivuga ko umukinnyi ukinira ikipe (club) iherereye ku mugabane utandukanye n’uwo igihugu cye kibarizwaho, agomba kugera mu ikipe y’igihugu byibura iminsi itanu mbere y’umukino, mu gihe ukina mu ikipe (club) isangiye umugabane n’igihugu cye cyangwa ibarizwa mu gihugu akinira agomba kugera mu ikipe y’igihugu byibura iminsi ine mbere y’umukino.

Umuyobozi wungirije wa APR FC, Maj. Gen Mubarakah Muganga, na we yavuze ku byavuzwe ko APR FC yasuzuguye Amavubi ashimangira ko iyi kipe mu byo yatojwe, gusuzugura bitarimo. Yagize ati:

Nyuma y’uko hari radio imwe yumvikanye ikoresha imvugo zikakaye zishaka no kuyobya abayumva, ivuga ko ngo APR FC kuba itarekuye abakinnyi bayo ngo bajye mu Mavubi ari ugusuzugura ikipe y’igihugu, ndagira ngo nkosore imvugo yabo. ’Mu bantu basuzugura APR FC ntitubamo si nako twatojwe’, kuvuga rero ngo abakinnyi bacu kutitabira umwiherero w’Amavubi ari ugusuzugura sicyo bivuze.

Ikimenyimenyi cy’uko twubaha Amavubi cyane ni uko umukinnyi wacu wahamagawe mu ikipe y’igihugu, ubuyobozi bwa APR FC bumugenera agahimbazamushyi kugira ngo na bagenzi be batahamagawe bahatanire kuzahamagarwa. Ibi sinzi ko hari indi kipe ibikora mu Rwanda.

Abakinnyi 11 ba APR FC bahamagawe mu ikipe y’Igihugu barimo Rwabugiri Umar, Manzi Thierry, Mutsinzi Ange, Omborenga Fitina, Imanishimwe Emmanuel, Niyonzima Olivier Seifu, Manishimwe Djabel, Niyomugabo Claude, Tuyisenge Jacques, Byiringiro Lague na Bizimana Yannick wasezerewe muri iriya kipe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza Mikel Arteta yahishuye ikibazo nyamukuru ikipe ya Arsenal ifite...

Ikipe ya Arsenal yaraye itsinzwe umukino wa 5 muri shampiyona y’Ubwongereza...
30 November 2020 Yasuwe: 1694 0

Messi ashobora guhombya FC Barcelona kubera ibyo yakoze yibuka...

Kizigenza Lionel Messi wa FC Barcelona ashobora gutuma iyi kipe ye icibwa...
30 November 2020 Yasuwe: 2552 0

’Yacenze abakinnyi benshi b’Ubwongereza mu buryo bumeze nk’ubufindo...

Umusifuzi wo muri Tunisia wasifuye umukino Ubwongereza butazibagirwa...
30 November 2020 Yasuwe: 1092 0

Jose Mourinho yapfobeje abakinnyi be mu rugamba rwo gushaka igikombe cya...

Umutoza wa Tottenham,Jose Mourinho yatangiye gukina imikino ye isekeje mu...
30 November 2020 Yasuwe: 1536 0

AS Kigali yatsinzwe umukino ubanza wa CAF Confederations Cup

Ikipe ya AS Kigali ihagarariye u Rwanda mu mikino ya CAF Confederations Cup...
29 November 2020 Yasuwe: 3192 0

Djabel yahishuye ibintu 2 bizafasha APR FC gusezerera Gor Mahia

Umukinnyi Manishimwe Djabel ukina afasha ba rutahizamu gutsinda ibitego...
29 November 2020 Yasuwe: 2594 1