Kigali

Ikipe ya Rayon Sports nyuma yo gusezererwa na Al Hilal muri CAF yafashe ingamba zikomeye

Imyidagaduro   Yanditswe na: Martin Munezero 28 August 2019 Yasuwe: 7367

Ikipe ya Rayon Sports nyuma yo gusezererwa na Al Hilal muri CAF Champions League batageze muri ¼ nk’intego bari bihaye, Rayon Sports ubu intego ni ukwegukana buri gikombe cyose gikinirwa mu Rwanda muri uyu mwaka w’imikino uri imbere.



Ku cyumweru tariki ya 26 Kanama 2019, ni umunsi abakunzi b’ikipe ya Rayon Sports batazibagirwa kuko ari bwo bakuwemo na Al Hilal muri Champions League batabashije kurenga ijonjora rya mbere.

Umuvugizi w’ikipe ya Rayon Sports,Jean Paul Nkurunziza, avuga ko batunguwe no kuvamo, ariko na none ikipe nka Rayon Sports si kipe yo kwiheba ngo yumve ko byose birangiye nyuma yo kuva muri Champions League.

Yagize ati“Twavuyemo mu mikino nyafurika nyuma y’uko tunganyije imikino ibiri ariko tugasezererwa ku itegeko ry’uko twatsinzwe igitego mu rugo kuri 1-1 twanganyije, nk’ikipe nka Rayon Sports ntabwo twacibwa intege n’uko tutasezereye Al Hilal ahubwo byatubereye isomo.”

Yakomeje avuga ko ubu bahanze amaso igikombe cya shampiyona ndetse n’icy’Amahoro nk’intego yabo nyamukuru ariko bagahera ku gikombe cy’Agaciro ndetse na Super Cup.

Yagize ati“Ubu intego yacu ya mbere ni ukwegukana igikombe cya shampiyona ndetse n’igikombe cy’Amahoro umwaka utaha w’imikino, ariko tugomba kubigeraho tubanje gutwara ibikombe tuzakinira harimo igikombe cyo kwibuka Padiri Joseph Fraipont wari umukunzi wa Rayon Sports tuzakina na Mukura VS tariki ya 1 Nzeri, hari igikombe cy’Agaciro ndetse na Super Cup ibyo byose tugomba kubitwara.”

Yemeza ko abakinnyi bafite uyu munsi bafite ubushobozi bwo kwegukana ibyo bikombe byose yavuze haruguru bahigiye kwegukana.

Nyuma yo kuva muri Sudani, abakinnyi ba Rayon Sports bahawe akaruhuko k’iminsi 2, bakaba bazatangira imyitozo ku wa 4 aho bazajya bakora 2 ku munsi ku kibuga cyo mu Nzove.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble rukundo

    NTA MUFA WI GIKERI NONE SE MWAGENDA MU MIFUNGO ITATU MUKAZAGIRA ICYO MUGERAHO.MUBANZE MUSHAKE CASH MUREKE KUBESHA ABANYAMURYANGO.MURAKOZE

    2 months ago
  • chat_bubble

    hahahah Gikundiro ikipe yacu,Ubu jye mbaze umuvugizi KO perezida Sadati yali yadutangalije KO ingengo yimali yuyu mwaka Ali amamiliyoni magana ndetse anatubwira KO amenshi Ali ayo muzakura muli 1/4 ntimwarenga umutaru none urongeye ngo ibikombe byose ubwo koko uba ubwira Abana cga .twakumenye

    2 months ago

Inzindi nkuru

Justin Bieber yagundiriye ikibwana cy’Imbwa bitera benshi amarangamutima

Ku munsi w’ejo ku wa agatanu nimugoroba umuhanzi w’umunyamerika Justin...
17 November 2019 Yasuwe: 1305 0

Nyiri Instagram yihenuye Kuri Nick Minaj

Nyuma yaho umuraperikazi wo muri Leta Zunze ubumwe za Amerika Nicki Minaj...
17 November 2019 Yasuwe: 1578 0

Biravugwa: Riyad Mahrez yataye ikipe y’igihugu kubera gufuhira umugore we...

Rutahizamu wa Algeria,Riyad Mahrez,ntabwo azagaragara mu mukino iki gihugu...
17 November 2019 Yasuwe: 2933 0

Nizeyimana Mirafa yahaye isezerano rikomeye abafana ba Rayon Sports...

Umukinnyi Nizeyimana Mirafa ukina hagati afasha ba myugariro yishimiye...
17 November 2019 Yasuwe: 1644 0

Sadio Mane yavuze uburyo Football arirwo rurimi ruvugwa na buri wese ku isi...

Umukinnyi w’umunya Senegal ukinira ikipe ya Liverpool avuga ko yabaye...
17 November 2019 Yasuwe: 2441 0

Lionel Messi yatutse umutoza Tite bibabaza cyane abakinnyi ba...

Rutahizamu wa Argentina na FC Barcelona,Lionel Messi w’imyaka 32 n’umutoza wa...
16 November 2019 Yasuwe: 5516 2