addresiya
Kigali
startimes

Rayon Sports yananiwe kwikura mu bihe bibi,APR FC yambuye Mukura VS intebe y’icyubahiro ya shampiyona

Imyidagaduro   Yanditswe na: Dusingizimana Remy 3 November 2019 Yasuwe: 4172

Ubaye umukino wa 3 wikurikiranya ikipe ya Rayon Sports itabona amanota 3 y’umukino uhereye kuwo yatsindiwe I Gologota na Sunrise FC ibitego 2-1 kugeza uyu munsi ubwo yanganyaga na Musanze FC igitego 1-1.APR FC yatsinze Mukura VS igitego 1-0 ihita iyobora shampiyona.



Rayon Sports yari yerekeje mu karere ka Musanze gukina n’ikipe ya Musanze FC mu mukino w’umunsi wa 08 wa shampiyona,yananiwe kubona amanota 3 ku nshuro ya 3 yikurikiranya kuko umukino warangiye amakipe yombi anganya igitego 1-1.

Rayon Sports yagize ibyago ikavunikisha umukinnyi wayo mugheni Fabrice hakiri kare,yafunguye amazamu bwa mbere ku gitego cyatsinzwe na Iranzi Jean Claude n’umutwe ku mupira mwiza yahawe na Irambona Eric ku munota wa 48 hanyuma Musanze FC iza kucyishyura gitsinzwe na Moussa Ally Sova n’umutwe ku mupira yahawe na Harerimana Obed ku munota wa 67.

Musanze FC yazutse nyuma yo kwishyura Rayon Sports,yabonye amahirwe akomeye imbere y’izamu ku munota wa 79 ubwo Harerimana Obed yarobaga Kimenyi Yves ku bw’amahirwe umupira awushyira muri Koloneri.

Ubwo iminota 90 yari irangiye hongeweho 2,Rayon Sports yahushije igitego cyabazwe ubwo umwe mu bakinnyi bayo yateraga umupira ugarurirwa ku murongo na myugariro wa Musanze FC.

Ku rundi ruhande ikipe ya APR FC yongeye guhabwa amanota 3 na myugariro wayo Mutsinzi Ange watsinze igitego mu minota ya nyuma bituma Mukura VS isubira I Huye amara masa nubwo yari imaze iminsi yitwara neza.

Gasogi united imaze iminsi ica ibintu mu binyamakuru kubera imvugo zikomeye z’umuyobozi wayo Kakooza Nkuriza Charles,yatsindiwe I Rusizi na Espoir FC ibitego 3-2 mu gihe Kiyovu Sports yatsinze Heroes FC ibitego 2-1.

Uko imikino yo kuri iki cyumweru yagenze n’uko urutonde ruhagaze:

APR FC 1-0 Mukura
Musanze 1-1 Rayon Sports
Kiyovu 2-1 Heroes
Espoir FC 3-2 Gasogi United

Urutonde rw’agateganyo rwa shampiyona:

1. APR FC 17 Pts
2. Police FC 15 Pts
3. Mukura VS 14 Pts
4. Kiyovu Sports 14 Pts
5. Rayon Sports 12 Pts

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble tuyishime peter

    ese ko muba mukoze urutonde rw’amakipe 5 gusa niyo yonyine aba muri shampion y’U Rwanda?muratangaje Pe!

    November 2019

Inzindi nkuru

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 1744 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 5780 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4491 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5677 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 7722 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 4218 0