Myugariro wa Kiyovu Sports,Irambona Eric yabazwe imvune yari afite, Kuwa Gatanu tariki 22 Mutarama 2021,mu bitaro bikuru bya gisirikare biri i Kanombe mu karere ka Gasabo mu mujyi wa Kigali.
Mu butumwa yashyize ku mbuga nkoranyambaga ze,Irambona yemeje ko byagenze neza ndetse ashimira abamusengeye kugira ngo akire neza.
Ati“Kubagwa byagenze neza nta kibazo cyajemo. Ndashimira buri wese wansengeye n’ukuntu mwakomeje kunshyigikira.Imana ibahe umugisha mwese."
Irambona yagize imvune mu (...)

Sponsored Ad

Myugariro wa Kiyovu Sports,Irambona Eric yabazwe imvune yari afite, Kuwa Gatanu tariki 22 Mutarama 2021,mu bitaro bikuru bya gisirikare biri i Kanombe mu karere ka Gasabo mu mujyi wa Kigali.

Mu butumwa yashyize ku mbuga nkoranyambaga ze,Irambona yemeje ko byagenze neza ndetse ashimira abamusengeye kugira ngo akire neza.

Ati“Kubagwa byagenze neza nta kibazo cyajemo. Ndashimira buri wese wansengeye n’ukuntu mwakomeje kunshyigikira.Imana ibahe umugisha mwese."

Irambona yagize imvune mu kagombambari k’iburyo,abaganga bamugira inama ko idashobora kuzakira burundu itabazwe niko kujya kubagwa.Iyi mvune iratuma amara ibyumweru 3 adakina.

Irambona Eric wari umaze imyaka isaga 8 muri Rayon Sports yerekeje muri Kiyovu SC mu mwaka ushize kugira ngo ayifashe mu mwaka w’imikino 2020-2021, wahagaritswe nyuma yo kwiyongera k’ubwandu bwa COVID-19.

Uyu myugariro w’ibumoso,yasinyiye ikipe ya Kiyovu Sport igihe kingana n’imyaka ibiri izarangira mu mpera z’umwaka w’imikino wa 2021-2022,avuye muri Rayon Sports.