skol
Kigali
startimes

Ishimwe Kevin yirukanwe burundu mu ikipe ya APR FC kubera ikinyabupfura gike

Imyidagaduro   Yanditswe na: Dusingizimana Remy 13 November 2020 Yasuwe: 4650

Umukinnyi Ishimwe Kevin wakinaga asatira mu ikipe ya APR FC yirukanwe burundu mu ikipe ya APR FC nyuma y’imyitwarire mibi yagaragaje ubwo yasuzuguraga umutoza mukuru Adil Mohamed.


Nyuma y’umukino wa gicuti APR FC yatsinzemo Sunrise FC ibitego 2-1 kuri uyu wa Kane,umutoza Adil Mohamed Erradi yabwiye abanyamakuru ko Ishimwe Kevin yirukanwe burundu kubera ikinyabupfura gike.

Ati “Niba nta kinyabupfura gihari, niba nta guhuza guhari, nta mwanya uhari muri APR mu by’ukuri. Oya, nta kugaruka. Icyemezo cyafashwe hari byinshi byihanganiwe, twarabibonaga tugakosora, tukabibona tugakosora, ariko nyuma y’igihe birarambirana.”

“Ubuyobozi bwa APR, umuryango wa APR wafashe icyemezo kidakuka, ni icyemezo cya nyuma. Nta kugaruka guhari, oya oya. Dukora kinyamwuga, hano dukeneye abakinnyi bafite imyitwarire ya kinyamwuga, y’ikipe kandi bitwara neza muri APR. Niba icyemezo cyafashwe, cyafashwe. Rimwe guteranyaho rimwe bingana na kabiri.”

Ku mugoroba wo kuwa Gatatu Tariki 28 Ukwakira, nibwo uyu mukinnyi wafashaga abataha izamu ba APR FC, Ishimwe Kevin, yahagaritswe by’agateganyo n’ubuyobozi bwa APR FC kubera imyitwarire mibi.

Kevin w’imyaka 25, akaba yarahise asezererwa mu mwiherero w’ikipe i Shyorongi mu gihe ubuyobozi bw’ikipe bwari bukiganira ku bihano bizamufatirwa.

Amakuru avuga ko Ishimwe Kevin yirukanywe mu mwiherero wa APR FC azira kutishimira ko umutoza we Adil yasifuye ko yaraririye mu myitozo bakoze kuwa gatatu tariki ya 28 Ukwakira 2020.

Nyuma yo kubwira umutoza we nabi, Kevin akaba yarahise avanwa muri bagenzi be, none yasezerewe muri iyi kipe amazemo umwaka umwe gusa.Uyu mukinnyi bivugwa ko yanze gusaba imbabazi.

Ishimwe Kevin yaje muri APR FC avuye mu ikipe ya AS Kigali, asinya imyaka ibiri mu ikipe y’ingabo z’igihugu ndetse yerekanwa ku mugaragaro Tariki 05 Kanama 2019.

Yageze muri As Kigali FC yajemo avuye muri Pepiniere FC yari imanutse mu cyiciro cya kabiri, akaba yaranakiniye ikipe ya Rayon Sports FC.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rwatwaye imidari 3 ya Feza ku munsi wa mbere wa shampiyona...

Ikipe y’Igihugu y’Amagare (Team Rwanda ) imaze kwegukana imidali 3 ya Feza mu...
2 March 2021 Yasuwe: 3654 0

Uwimana Abdul wamamaye muri Rayon Sports yafunzwe akekwaho gusambanya...

Uwahoze ari umukinnyi Rayon Sports na Etincelles FC,Uwimana Abdul ‘Gakara’,...
2 March 2021 Yasuwe: 3980 0

Uwahoze ari Perezida wa FC Barcelona Bartomeu n’abo bakoranaga batawe muri...

Uwahoze ari perezida wa FC Barcelona, Josep Maria Bartomeu,weguye mu...
1 March 2021 Yasuwe: 3317 0

Myugariro wa Manchester United yarakajwe n’amagambo umusifuzi yababwiye...

Myugariro wa Manchester United, Luke Shaw yatangaje ko umusifuzi Stuart...
1 March 2021 Yasuwe: 4429 0

Sempoma Felix yahawe inshingano zikomeye mu mezi 5 agiye gutoza Team...

Sempoma Felix wari umutoza wa Benediction Ignite ndetse wakundaga guhabwa...
1 March 2021 Yasuwe: 2763 0

Alisson Becker ntiyagiye gushyingura se warohamye

Umunyezamu w’ikipe ya Liverpool, Alisson Becker,yabuze uko ajya gushyingura...
28 February 2021 Yasuwe: 3575 0