skol
Kigali
startimes

Jose Mourinho yandagaje bikomeye Manchester United yamwirukanye nabi

Imyidagaduro   Yanditswe na: Dusingizimana Remy 4 October 2020 Yasuwe: 2227

Ikipe ya Tottenham Hotspur yandagaje bikomeye Manchester United mu mukino w’umunsi wa 04 wa Premier League,iyitsinda ibitego 6-1 ku kibuga cyayo cya Old Trafford.


Manchester United yaherukaga gutsinda bigoranye ikipe ya Brighton ibitego 3-2,yahawe isomo rya ruhago na Tottenham yari yayisuye iyitsinda ibitego 6-1.

United niyo yafunguye amazamu aho ku isegonda rya 31 ry’umukino yabonye penaliti nyuma y’aho myugariro Sanchez yategaga rutahizamu Martial.Bruno Fernandez yinjije neza penaliti ya United.

Ntubyatinze kuko ku munota wa 04 w’umukino,Tottenham yahise yishyura iki gitego ibifashijwemo na Tanguy Ndombele nyuma y’akavuyo kabereye imbere y’izamu rya United.

Tottenham yakomeje umuvuduko kuko ku munota wa 07 rutahizamu Heung-Min Sonyatsinze igitego ku mupira mwiza yahawe na Harry Kane wibye umugono abakinnyi ba United ku ikosa yari akorewe ahita aha umupira Son vuba na bwangu batarisuganya.

United yahuye n’akaga gakomeye ku munota wa 28 ubwo rutahizamu wayo Martial yahabwaga ikarita y’umutuku azira gukubita urushyi mu maso Erik Lamela wamushotoye akamukubita inkokora undi akihanira.

Nyuma y’iyi karita,ibitego byahise byisuka ku ruhande rwa Tottenham kuko ku munota wa 30 Harry Kane yashyizemo igitego cya 3 ku mupira mwiza yahawe na Son.

Ku munota wa 37,Tottenham yabonye igitego cya 04 cyatsinzwe na Heung-Min Son ku mupira mwiza yahawe na Serge Aurier.Igice cya mbere cyarangiye ari 4-1.

Ku munota wa 46 w’umukino,United yakoze impinduka 2 aho umutoza Ole yakuye mu kibuga Bruno Fernandes na Nemanja Matic yinjiza Scott McTominay na Fred batabashije kuyifasha kwitwara neza.

Ku munota wa 51 Tottenham yari yariye karungu yashyizemo igitego cya 5 cyatsinzwe na Serge Aurier witwaye neza muri uyu mukino ku mupira mwiza yahawe na Pierre-Emile Hoejbjerg.

Tottenham yakubitaga itababarira,yashyizemo igitego cya 06 ku munota wa 79 kuri Penaliti yinjijwe neza na Harry Kane nyuma y’ikosa Pogba uri mubi bibi yakoreye kuri Davies.

Uyu n’umukino wa 02 Manchester United itsinzwe yandagajwe mu mikino 3 imaze gukina muri iyi shampiyona,kuko yatsinzwe na Crystal Palace mu mukino wa mbere ibitego 3-1.

Uretse kuba United yanyagiwe,no ku mukino iheruka gutsinda Brighton,yabonye igitego cy’intsinzi umusifuzi amaze gusifura ko umukino warangiye gusa yisubiraho kubera Penaliti yabonetse iminota yarangiye.

Ku rundi ruhande,Arsenal yaherukaga gutsindwa na Liverpool ibitego 3-1,yatsinze bigoye Sheffield United ibitego 2-1 bya Bukayo Saka na Nicolas Pepe biyifasha kuzuza amanota 09.Westham yatsinze Leicester City ibitego 3-0 kuri iki cyumweru.





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 742 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1827 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4053 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1183 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2277 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 4979 0