skol
Kigali
startimes

Jurgen Klopp yahishuye icyo yakoreye abakinnyi be nyuma yo kunyagirwa na Aston Villa

Imyidagaduro   Yanditswe na: Dusingizimana Remy 15 October 2020 Yasuwe: 3435

Umutoza wa Liverpool,Jurgen Klopp,yavuze ko nyuma yo kunyagirwa ibitego 7-2 na Aston Villa mu mukino w’umunsi wa 04 wa shampiyona,yandikiye ubutumwa buri mukinnyi we amutera imbaraga.


Uyu mutoza witegura gukina na Everton kuwa Gatandatu,yavuze ko nyuma yo kunyagirwa na Aston Villa ibitego 7-2 atashoboraga kuvugana na buri mukinnyi wese kubera ko bahise bajya mu bihugu byabo ahubwo yabandikiye ubutumwa buri wese.

Klopp yabwiye BBC ati “ijoro twanyagiwemo biriya bitego,niryo joro ribi kurusha ayandi mu buzima bwanjye.Nabyutse mu gitondo numva ko ngomba kubugana n’abahungu banjye ariko ntabwo bari bahari.Nandikiye ubutumwa buri wese.Nabonye igihe gihagije cyo gutekereza ku byabaye.

Gutsindwa umukino biba binyuranye n’imipangu yawe.Gutsindwa 7-2 ni bibi cyane ariko tugomba kwerekana ko hari ibyo twigiyemo.Dufite amahirwe yo kubyerekana kuwa Gatandatu mu masaha yo kurya ibya saa sita.

Bizaba bishimishije kuko tuzahura n’ikipe iri kuguruka kandi twarakubiswe cyane.Reka tuzarebe uzitwara neza.”

Uyu mutoza yakomeje agira ati “Ku rundi ruhande ndabikunda kurusha uko watsindwa 3-2 kuko biba bigaragaza ko warushijwe.Mu mikino y’ibihugu,twabonye umwanya wo gusesengura ibyabaye.Byagize akamaro.”

Liverpool yari yasuye Aston Villa kuwa 04 Ukwakira 2020 ku kibuga Villa Park,yahuye n’uruva gusenya kuko yahatsindiwe ibitego 7-2.Aka kaga yaherukaga guhura nako muri Mata 1963 ubwo yatsindwaga na Tottenham.

Liverpool yatsinzwe bwa mbere muri shampiyona y’uyu mwaka,aho kuri ubu ifite amanota 09 mu mikino 3 yatsinze.

Aston Villa na Everton nizo zifite amanota yose mu mikino zimaze gukina kuko iyi Everton ya mbere muri shampiyona ifite amanota 12/12 mu gihe Aston Villa ifite 9/9 ku mwanya wa kabiri mu mikino 03 imaze gukina.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 821 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1851 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4238 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1197 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2280 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 5045 0