skol
Kigali
startimes

Juventus igiye kugurisha Cristiano Ronaldo kubera impamvu 2 zikomeye

Imyidagaduro   Yanditswe na: Dusingizimana Remy 9 November 2020 Yasuwe: 10738

Biravugwa ko kizigenza Cristiano Ronaldo atagikenewe cyane mu ikipe ya Juventus kubera umushahara we uri hejuru ndetse no kuba akunda kwiharira ntakinane na bagenzi be mu kibuga.


Juventus iri mu makipe yashegeshwe bikomeye na Covid-19 ariyo mpamvu yifuza kurekura Cristiano Ronaldo kugira ngo ibone amafaranga yo gukomeza kubaho cyane ko ahembwa miliyoni 28 z’amapawundi ku mwaka.

Uyu mugabo w’imyaka 35 wageze muri Juventus muri 2018,ahembwa umushahara ukubye inshuro 5 uwa Paulo Dybala umukurikira mu guhembwa menshi muri iyi kipe.

Ikinyamakuru Sport kivuga ko Juventus ishaka gukura uyu mushahara w’umurengera mu bitabo byayo ariyo mpamvu yifuza gushyira ku isoko Ronaldo mu mpeshyi y’umwaka utaha akerekeza ahandi.

Ronaldo usigaranye amasezerano y’imyaka 2,ntazongererwa amasezerano nkuko iki kinyamakuru kibitangaza ndetse ngo amakipe amwifuza yatangira kumurambagiza akazamwegukana ku giciro cyo hasi.

Umutoza Pirlo ntabwo ngo ari kwishimira umusaruro wa Cristiano Ronaldo mu kibuga nubwo amaze gutsinda ibitego 6 muri shampiyona birimo nicyo yatsinze ejo ikipe ya Lazio.

Nyuma yo kunyagira muri Champions League ikipe ya Ferencvaros,ngo umutoza Andrea Pirlo yavuze ko Cristiano Ronaldo yikunda ndetse akunda kwiharira umupira bigatuma umusaruro we utaba mwiza.

Yagize ati “Navuganye n’abakinnyi banjye kenshi ariko iyo bageze mu kibuga bihitaramo gukina ibyabo.Bagakwiriye kuba bagabanyije kwiharira tukica umukino hakiri kare.Dukinisha aba rutahizamu2 ndetse n’abandi bakinnyi bo ku mpande.Bose bari mu bihe byiza twareba abameze neza cyane akaba aribo bakinana.Kugeza ubu,ntabwo ari buri wese umeze neza 100 ku 100 niyo mpamvu tugomba kubasimburanya.”

Pirlo yemeje ku munsi w’ejo ko Cristiano Ronaldo yagize ikibazo k’imvune ku mukino wa Lazio banganyije 1-1 ariyo mpamvu yakuwe mu kibuga kare.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Manchester United yahagaritse umuvuduko wa City,Liverpool ikomeza kujya...

Ikipe ya Manchester United yatunguye benshi mu bakunzi ba ruhago ubwo...
7 March 2021 Yasuwe: 3574 0

Amavubi yamaze kwerekeza I Nyamata mu myiteguro yo gushaka itike ya CAN...

Nyuma y’aho umutoza Mashami Vincent ahamagaye abakinnyi 31 bagomba gufasha...
7 March 2021 Yasuwe: 3177 0

Lionel Messi yatoye Perezida wa FC Barcelona ku nshuro ye ya...

Benshi baracyibaza icyihishe inyuma yo kuba umunyabigwi akaba na kapiteni...
7 March 2021 Yasuwe: 4384 0

Igikombe cya CECAFA Rayon Sports yatwaye mu 1998 cyabonetse i...

Ni kenshi abafana ba Rayon Sports bakunda guhiga ubutwari aba APR FC ko...
7 March 2021 Yasuwe: 4752 0

Paris Saint-Germain yiyemeje gushora akayabo mu kugura umukinnyi wa...

Ikipe ya PSG yo mu gihugu cy’Ubufaransa yiyemeje kujya ku isoko muri iyi...
7 March 2021 Yasuwe: 4061 0

Mikel Arteta yavuze kuri Xhaka ukomeje gukora amakosa ashyira mu mazi abira...

Uyu mutoza yavuze ko abakinnyi be Granit Xhaka na Bernd Leno bakina mu...
7 March 2021 Yasuwe: 3704 0