skol
Kigali
startimes

Karekezi Olivier avuga ko atazaza gutoza Kiyovu Sports ikirimo umwuka mubi

Imyidagaduro   Yanditswe na: Dusingizimana Remy 4 August 2020 Yasuwe: 1667

Umutoza mushya wa Kiyovu Sports,Karekezi Olivier,yatangaje ko nubwo afite itike yo kuza mu Rwanda kuwa 08 Kanama 2020, mu kazi ko gutoza Kiyovu Sports,atazigera aza gutoza iyi kipe kubera ubwumvikane buke buri mu bayobozi b’iyi kipe.


Umutoza Karekezi Olivier aganira na Radio 10 mu kiganiro 10 sports,yavuze ko umwuka mubi uri mu ikipe ya Kiyovu Sports yasinyiye gutoza imyaka 2 utamworohereza akazi ariyo mpamvu atazigera aza mu Rwanda igihe cyose Mvukiyehe Juvenal na Ntarindwa Theodore usanzwe ari Visi Perezida wa mbere w’iyi kipe baticaye ngo bakemure ibibazo bafitanye.

Yagize ati “Banyoherere amasezerano kuri Email, bose tuganira twumvikanye ko tugomba gusenyera umugozi umwe ariko nkaba numva batakivuga rumwe ndumva ntacyo naba nje gukora.Itike yanjye iri tariki 08igihe bicaye hamwe bakarangiza ikibazo niba bafite inama nta kibazo.Igihe batararangiza ibibazo bajye aho baguriye itike bayihinduze kugeza igihe ibibazo birangiriye hanyuma mbone gufata indege nza I Kigali kugira ngo nze gukora akazi mu nzira nziza,mu mwuka mwiza.

Njyewe ndi kwibaza,itariki 08 ningera I Kigali ninde nzareba.Ubu ninde muyobozi nshobora kureba.Hari Theodore ariko nawe tumaze igihe tutavugana.

Karekezi yavuze ko amaze kumva ibyatangajwe n’umuyobozi w’abafana ba Kiyovu Sports,Minani Hemedi yamenye ko hari umwuka mubi mu ikipe ariyo mpamvu yasabye abakoresha be kugenda bakicara bagakemura ikibazo bafitanye akaza mu Rwanda azi uwo azakorana nawe.

Karekezi yavuze ko Kiyovu Sports ari ikipe ikomeye ifite amateka ndetse yifuza kuyitoza ariko azabikora igihe cyose ibibazo biri hagati y’aba bagabo bombi bizaba bikemutse.

Karekezi yavuze ko asinyira Kiyovu Sports imwegera Juvenal na Theodore babaga bari kumwe ndetse yababwiraga ko akeneye umukinnyi runaka bagahita bamusinyisha ariko ubu umwuka uri hagati yabo utari mwiza ariyo mpamvu abasaba gukemura ibibazo bafitanye.

Amakuru aravuga ko kuri uyu wa kabiri tariki ya 04 Kanama 2020 ku isaha y’i saa munani z’amanywa, hateganyijwe inama yatumijweho n’abagize inteko nyobozi ya Kiyovu Sports, barimo Kayumba Jean Pierre n’abandi, kugira ngo baze guhuza impande 2 zitarimo kuvuga rumwe.

Bivugwa ko bamwe mu banyamuryango ba Kiyovu, batifuza ko Ntarindwa Theodore yaguma mu buyobozi bw’ikipe abandi bakamwifuza ndetse ngo n’abandi bifuza ko Mvukiyehe Juvenal ariwe wahabwa ikipe kuko ngo yaguriye imodoka ikipe ndetse anagira uruhare mu gusinyisha abakinnyi b’ibikurankota.

Amakuru yandi aturuka muri Kiyovu Sports nuko inama y’inteko rusange yari iteganyijwe kuba tariki ya 09 Kanama 2020 yamaze gusubikwa kugira ngo babanze bagarure umwuka mwiza hagati y’abanyamuryango.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza wa Rayon sports yasabye komite kumugurira abakinnyi 3...

Umutoza wa Rayon Sports,Guy Bukasa,yasabye komite y’agateganyo ya Rayon...
26 September 2020 Yasuwe: 1423 0

Jurgen Klopp yatangaje umwihariko Arteta yazanye muri Arsenal watumye...

Umutoza wa Liverpool,Jurgen Klopp yatangaje ko umutoza wa Arsenal,Mikel...
25 September 2020 Yasuwe: 2488 0

Ibaruwa ya RGB yahaye ibyishimo abashyigikiye ko Mvukiyehe Juvenal ayobora...

Urwego rw’igihugu rw’imiyoborere [RGB] rwagiriye inama Kiyovu Sports ko...
25 September 2020 Yasuwe: 2841 0

Messi yibasiye bikomeye abayobozi ba FC Barcelona mu butumwa yatanze...

Kapiteni wa FC Barcelona,Lionel Messi yasezeye kuri mugenzi we bakinanaga...
25 September 2020 Yasuwe: 3028 0

Aubameyang yahishuye impamvu ikomeye yatumye yanga kujya FC Barcelona...

Rutahizamu akaba na kapiteni wa Arsenal, Pierre-Emerick Aubameyang...
25 September 2020 Yasuwe: 1605 0

Mario Balotelli yambitse impeta y’umubano umukobwa bamaranye ukwezi kumwe...

Rutahizamu Mario Balotelli yasabye umukobwa witwa Alessia Messina ko...
25 September 2020 Yasuwe: 3133 0